| Library / Tipiṭaka / திபிடக • Tipiṭaka / த⁴ம்மபத³பாளி • Dhammapadapāḷi |
23. நாக³வக்³கோ³
23. Nāgavaggo
320.
320.
அஹங் நாகோ³வ ஸங்கா³மே, சாபதோ பதிதங் ஸரங்;
Ahaṃ nāgova saṅgāme, cāpato patitaṃ saraṃ;
அதிவாக்யங் திதிக்கி²ஸ்ஸங், து³ஸ்ஸீலோ ஹி ப³ஹுஜ்ஜனோ.
Ativākyaṃ titikkhissaṃ, dussīlo hi bahujjano.
321.
321.
த³ந்தங் நயந்தி ஸமிதிங், த³ந்தங் ராஜாபி⁴ரூஹதி;
Dantaṃ nayanti samitiṃ, dantaṃ rājābhirūhati;
த³ந்தோ ஸெட்டோ² மனுஸ்ஸேஸு, யோதிவாக்யங் திதிக்க²தி.
Danto seṭṭho manussesu, yotivākyaṃ titikkhati.
322.
322.
323.
323.
ந ஹி ஏதேஹி யானேஹி, க³ச்செ²ய்ய அக³தங் தி³ஸங்;
Na hi etehi yānehi, gaccheyya agataṃ disaṃ;
யதா²த்தனா ஸுத³ந்தேன, த³ந்தோ த³ந்தேன க³ச்ச²தி.
Yathāttanā sudantena, danto dantena gacchati.
324.
324.
ப³த்³தோ⁴ கப³ளங் ந பு⁴ஞ்ஜதி, ஸுமரதி 9 நாக³வனஸ்ஸ குஞ்ஜரோ.
Baddho kabaḷaṃ na bhuñjati, sumarati 10 nāgavanassa kuñjaro.
325.
325.
மித்³தீ⁴ யதா³ ஹோதி மஹக்³க⁴ஸோ ச, நித்³தா³யிதா ஸம்பரிவத்தஸாயீ;
Middhī yadā hoti mahagghaso ca, niddāyitā samparivattasāyī;
மஹாவராஹோவ நிவாபபுட்டோ², புனப்புனங் க³ப்³ப⁴முபேதி மந்தோ³.
Mahāvarāhova nivāpapuṭṭho, punappunaṃ gabbhamupeti mando.
326.
326.
இத³ங் புரே சித்தமசாரி சாரிகங், யேனிச்ச²கங் யத்த²காமங் யதா²ஸுக²ங்;
Idaṃ pure cittamacāri cārikaṃ, yenicchakaṃ yatthakāmaṃ yathāsukhaṃ;
தத³ஜ்ஜஹங் நிக்³க³ஹெஸ்ஸாமி யோனிஸோ, ஹத்தி²ப்பபி⁴ன்னங் விய அங்குஸக்³க³ஹோ.
Tadajjahaṃ niggahessāmi yoniso, hatthippabhinnaṃ viya aṅkusaggaho.
327.
327.
அப்பமாத³ரதா ஹோத², ஸசித்தமனுரக்க²த²;
Appamādaratā hotha, sacittamanurakkhatha;
து³க்³கா³ உத்³த⁴ரத²த்தானங், பங்கே ஸன்னோவ 11 குஞ்ஜரோ.
Duggā uddharathattānaṃ, paṅke sannova 12 kuñjaro.
328.
328.
ஸசே லபே⁴த² நிபகங் ஸஹாயங், ஸத்³தி⁴ங் சரங் ஸாது⁴விஹாரிதீ⁴ரங்;
Sace labhetha nipakaṃ sahāyaṃ, saddhiṃ caraṃ sādhuvihāridhīraṃ;
அபி⁴பு⁴ய்ய ஸப்³பா³னி பரிஸ்ஸயானி, சரெய்ய தேனத்தமனோ ஸதீமா.
Abhibhuyya sabbāni parissayāni, careyya tenattamano satīmā.
329.
329.
நோ சே லபே⁴த² நிபகங் ஸஹாயங், ஸத்³தி⁴ங் சரங் ஸாது⁴விஹாரிதீ⁴ரங்;
No ce labhetha nipakaṃ sahāyaṃ, saddhiṃ caraṃ sādhuvihāridhīraṃ;
ராஜாவ ரட்ட²ங் விஜிதங் பஹாய, ஏகோ சரே மாதங்க³ரஞ்ஞேவ நாகோ³.
Rājāva raṭṭhaṃ vijitaṃ pahāya, eko care mātaṅgaraññeva nāgo.
330.
330.
ஏகஸ்ஸ சரிதங் ஸெய்யோ, நத்தி² பா³லே ஸஹாயதா;
Ekassa caritaṃ seyyo, natthi bāle sahāyatā;
ஏகோ சரே ந ச பாபானி கயிரா, அப்பொஸ்ஸுக்கோ மாதங்க³ரஞ்ஞேவ நாகோ³.
Eko care na ca pāpāni kayirā, appossukko mātaṅgaraññeva nāgo.
331.
331.
அத்த²ம்ஹி ஜாதம்ஹி ஸுகா² ஸஹாயா, துட்டீ² ஸுகா² யா இதரீதரேன;
Atthamhi jātamhi sukhā sahāyā, tuṭṭhī sukhā yā itarītarena;
புஞ்ஞங் ஸுக²ங் ஜீவிதஸங்க²யம்ஹி, ஸப்³ப³ஸ்ஸ து³க்க²ஸ்ஸ ஸுக²ங் பஹானங்.
Puññaṃ sukhaṃ jīvitasaṅkhayamhi, sabbassa dukkhassa sukhaṃ pahānaṃ.
332.
332.
ஸுகா² மத்தெய்யதா லோகே, அதோ² பெத்தெய்யதா ஸுகா²;
Sukhā matteyyatā loke, atho petteyyatā sukhā;
ஸுகா² ஸாமஞ்ஞதா லோகே, அதோ² ப்³ரஹ்மஞ்ஞதா ஸுகா².
Sukhā sāmaññatā loke, atho brahmaññatā sukhā.
333.
333.
ஸுக²ங் யாவ ஜரா ஸீலங், ஸுகா² ஸத்³தா⁴ பதிட்டி²தா;
Sukhaṃ yāva jarā sīlaṃ, sukhā saddhā patiṭṭhitā;
ஸுகோ² பஞ்ஞாய படிலாபோ⁴, பாபானங் அகரணங் ஸுக²ங்.
Sukho paññāya paṭilābho, pāpānaṃ akaraṇaṃ sukhaṃ.
நாக³வக்³கோ³ தேவீஸதிமோ நிட்டி²தோ.
Nāgavaggo tevīsatimo niṭṭhito.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / த⁴ம்மபத³-அட்ட²கதா² • Dhammapada-aṭṭhakathā / 23. நாக³வக்³கோ³ • 23. Nāgavaggo
