| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਨਾਗਸੁਤ੍ਤવਣ੍ਣਨਾ
3. Nāgasuttavaṇṇanā
੧੫੧. ਬਲਂ ਗਾਹੇਨ੍ਤੀਤਿ ਬਲਂ ਗਣ੍ਹਨ੍ਤਿ, ਗਹਿਤਬਲਾ ਥਿਰਸਰੀਰਾ ਹੋਨ੍ਤਿ। ਕੁਸੋਬ੍ਭੇ ਓਤਰਨ੍ਤੀਤਿਆਦੀਸੁ ਅਯਮਨੁਪੁਬ੍ਬਿਕਥਾ – ਨਾਗਿਨਿਯੋ ਕਿਰ ਉਤੁਸਮਯੇ ਪਤਿਟ੍ਠਿਤਗਬ੍ਭਾ ਚਿਨ੍ਤੇਨ੍ਤਿ – ‘‘ਸਚੇ ਮਯਂ ਇਧ વਿਜਾਯਿਸ੍ਸਾਮ, ਏવਂ ਨੋ ਦਾਰਕਾ ਊਮਿવੇਗਞ੍ਚ ਸੁਪਣ੍ਣਸ੍ਸ ਚ ਪਕ੍ਖਨ੍ਦਿਤ੍વਾ ਆਗਤਸ੍ਸ વੇਗਂ ਸਹਿਤੁਂ ਨ ਸਕ੍ਖਿਸ੍ਸਨ੍ਤੀ’’ਤਿ ਤਾ ਮਹਾਸਮੁਦ੍ਦੇ ਨਿਮੁਜ੍ਜਿਤ੍વਾ ਸਮ੍ਭਜ੍ਜਮੁਖਦ੍વਾਰਂ ਪਤ੍વਾ ਪਞ੍ਚ ਮਹਾਨਦਿਯੋ ਪવਿਸਿਤ੍વਾ ਹਿਮવਨ੍ਤਂ ਗਚ੍ਛਨ੍ਤਿ। ਤਤ੍ਥ ਸੁਪਣ੍ਣੇਹਿ ਅਪਕ੍ਖਨ੍ਦਨੀਯਾਸੁ ਸੁવਣ੍ਣਰਜਤਮਣਿਗੁਹਾਸੁ વਸਮਾਨਾ વਿਜਾਯਿਤ੍વਾ ਨਾਗਪੋਤਕੇ ਗੋਪ੍ਫਕਾਦਿਪਮਾਣੇਸੁ ਉਦਕੇਸੁ ਓਤਾਰੇਤ੍વਾ ਉਦਕਤਰਣਂ ਸਿਕ੍ਖਾਪੇਨ੍ਤਿ।
151.Balaṃgāhentīti balaṃ gaṇhanti, gahitabalā thirasarīrā honti. Kusobbhe otarantītiādīsu ayamanupubbikathā – nāginiyo kira utusamaye patiṭṭhitagabbhā cintenti – ‘‘sace mayaṃ idha vijāyissāma, evaṃ no dārakā ūmivegañca supaṇṇassa ca pakkhanditvā āgatassa vegaṃ sahituṃ na sakkhissantī’’ti tā mahāsamudde nimujjitvā sambhajjamukhadvāraṃ patvā pañca mahānadiyo pavisitvā himavantaṃ gacchanti. Tattha supaṇṇehi apakkhandanīyāsu suvaṇṇarajatamaṇiguhāsu vasamānā vijāyitvā nāgapotake gopphakādipamāṇesu udakesu otāretvā udakataraṇaṃ sikkhāpenti.
ਅਥ ਯਦਾ ਅਨੁਕ੍ਕਮੇਨ ਤੇ ਨਾਗਾ ਗਙ੍ਗਾਦੀਨਂ ਨਦੀਨਂ ਓਰਿਮਤੀਰਤੋ ਪਰਤੀਰਂ, ਪਰਤੀਰਤੋ ਓਰਿਮਤੀਰਨ੍ਤਿ ਤਰਣਪਟਿਤਰਣਂ ਕਾਤੁਂ ਸਕ੍ਕੋਨ੍ਤਿ, ਤਦਾ ‘‘ਇਦਾਨਿ ਨੋ ਦਾਰਕਾ ਊਮਿવੇਗਞ੍ਚ ਗਰੁਲ਼વੇਗਞ੍ਚ ਸਹਿਤੁਂ ਸਕ੍ਖਿਸ੍ਸਨ੍ਤੀ’’ਤਿ ਞਤ੍વਾ ਅਤ੍ਤਨੋ ਆਨੁਭਾવੇਨ ਮਹਾਮੇਘਂ ਸਮੁਟ੍ਠਾਪੇਤ੍વਾ ਸਕਲਹਿਮવਨ੍ਤਂ ਏਕੋਦਕਂ વਿਯ ਕੁਰੁਮਾਨਾ ਦੇવਂ વਸ੍ਸਾਪੇਤ੍વਾ ਸੁવਣ੍ਣਰਜਤਾਦਿਮਯਾ ਨਾવਾ ਮਾਪੇਤ੍વਾ ਉਪਰਿ ਸੁવਣ੍ਣਤਾਰਕવਿਚਿਤ੍ਤਂ ਸਮੋਸਰਿਤਗਨ੍ਧਪੁਪ੍ਫਦਾਮਂ ਚੇਲવਿਤਾਨਂ ਬਨ੍ਧਿਤ੍વਾ ਸੁਰਭਿਚਨ੍ਦਨਗਨ੍ਧਪੁਪ੍ਫਾਦੀਨਿ ਆਦਾਯ ਤਾਹਿ ਨਾવਾਹਿ ਪਞ੍ਚ ਮਹਾਨਦਿਯੋ ਓਗਾਹਿਤ੍વਾ ਅਨੁਕ੍ਕਮੇਨ ਮਹਾਸਮੁਦ੍ਦਂ ਪਾਪੁਣਨ੍ਤਿ। ਤਤ੍ਥ ਚ વਸਨ੍ਤਾ ਦਸਬ੍ਯਾਮ-ਸਤਬ੍ਯਾਮ-ਸਹਸ੍ਸਬ੍ਯਾਮ-ਸਤਸਹਸ੍ਸਬ੍ਯਾਮ-ਪਮਾਣਤਂ ਆਪਜ੍ਜਨ੍ਤਾ ਮਹਨ੍ਤਤ੍ਤਂ વੇਪੁਲ੍ਲਤ੍ਤਂ ਆਪਜ੍ਜਨ੍ਤਿ ਨਾਮ।
Atha yadā anukkamena te nāgā gaṅgādīnaṃ nadīnaṃ orimatīrato paratīraṃ, paratīrato orimatīranti taraṇapaṭitaraṇaṃ kātuṃ sakkonti, tadā ‘‘idāni no dārakā ūmivegañca garuḷavegañca sahituṃ sakkhissantī’’ti ñatvā attano ānubhāvena mahāmeghaṃ samuṭṭhāpetvā sakalahimavantaṃ ekodakaṃ viya kurumānā devaṃ vassāpetvā suvaṇṇarajatādimayā nāvā māpetvā upari suvaṇṇatārakavicittaṃ samosaritagandhapupphadāmaṃ celavitānaṃ bandhitvā surabhicandanagandhapupphādīni ādāya tāhi nāvāhi pañca mahānadiyo ogāhitvā anukkamena mahāsamuddaṃ pāpuṇanti. Tattha ca vasantā dasabyāma-satabyāma-sahassabyāma-satasahassabyāma-pamāṇataṃ āpajjantā mahantattaṃ vepullattaṃ āpajjanti nāma.
ਏવਮੇવ ਖੋਤਿ ਏਤ੍ਥ ਹਿਮવਨ੍ਤਪਬ੍ਬਤੋ વਿਯ ਚਤੁਪਾਰਿਸੁਦ੍ਧਿਸੀਲਂ ਦਟ੍ਠਬ੍ਬਂ, ਨਾਗਪੋਤਕਾ વਿਯ ਯੋਗਾવਚਰਾ, ਕੁਸੋਬ੍ਭਾਦਯੋ વਿਯ ਅਰਿਯਮਗ੍ਗੋ, ਮਹਾਸਮੁਦ੍ਦੋ વਿਯ ਨਿਬ੍ਬਾਨਂ। ਯਥਾ ਨਾਗਪੋਤਕਾ ਹਿਮવਨ੍ਤੇ ਪਤਿਟ੍ਠਾਯ ਕੁਸੋਬ੍ਭਾਦੀਹਿ ਮਹਾਸਮੁਦ੍ਦਂ ਪਤ੍વਾ ਕਾਯਮਹਨ੍ਤਤ੍ਤਂ ਆਪਜ੍ਜਨ੍ਤਿ, ਏવਂ ਯੋਗਿਨੋ ਸੀਲਂ ਨਿਸ੍ਸਾਯ ਸੀਲੇ ਪਤਿਟ੍ਠਾਯ ਅਰਿਯਮਗ੍ਗੇਨ ਨਿਬ੍ਬਾਨਂ ਪਤ੍વਾ ਅਰਹਤ੍ਤਮਗ੍ਗੇਨੇવ ਆਗਤੇਸੁ ਛਸੁ ਅਭਿਞ੍ਞਾਧਮ੍ਮੇਸੁ ਗੁਣਸਰੀਰਮਹਨ੍ਤਤ੍ਤਂ ਪਾਪੁਣਨ੍ਤੀਤਿ।
Evameva khoti ettha himavantapabbato viya catupārisuddhisīlaṃ daṭṭhabbaṃ, nāgapotakā viya yogāvacarā, kusobbhādayo viya ariyamaggo, mahāsamuddo viya nibbānaṃ. Yathā nāgapotakā himavante patiṭṭhāya kusobbhādīhi mahāsamuddaṃ patvā kāyamahantattaṃ āpajjanti, evaṃ yogino sīlaṃ nissāya sīle patiṭṭhāya ariyamaggena nibbānaṃ patvā arahattamaggeneva āgatesu chasu abhiññādhammesu guṇasarīramahantattaṃ pāpuṇantīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਨਾਗਸੁਤ੍ਤਂ • 3. Nāgasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਨਾਗਸੁਤ੍ਤવਣ੍ਣਨਾ • 3. Nāgasuttavaṇṇanā
