| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. нааг̇асзнабан̃хо
2. Nāgasenapañho
2. т̇зро ааха ‘‘лон̣ам̣, махаарааж̇а, жагкувин̃н̃зяяа’’нд̇и. ‘‘аама, бханд̇з, жагкувин̃н̃зяяа’’нд̇и. ‘‘судту ко, махаарааж̇а, ж̇аанаахий’’д̇и. ‘‘гим̣ бана, бханд̇з, ж̇ивхаавин̃н̃зяяа’’нд̇и? ‘‘аама, махаарааж̇а, ж̇ивхаавин̃н̃зяяа’’нд̇и. ‘‘гим̣ бана, бханд̇з, саб̣б̣ам̣ лон̣ам̣ ж̇ивхааяа виж̇аанаад̇ий’’д̇и? ‘‘аама, махаарааж̇а, саб̣б̣ам̣ лон̣ам̣ ж̇ивхааяа виж̇аанаад̇и’’.
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘яад̣̇и, бханд̇з, саб̣б̣ам̣ лон̣ам̣ ж̇ивхааяа виж̇аанаад̇и, гисса бана д̇ам̣ сагадзхи б̣алийб̣ад̣̇д̣̇аа 1 аахаранд̇и, нану лон̣амзва аахарид̇аб̣б̣а’’нд̇и? ‘‘на саггаа, махаарааж̇а, лон̣амзва аахарид̇ум̣ згад̇обхааваг̇ад̇аа зд̇з д̇хаммаа г̇ожаранаанад̇д̇аг̇ад̇аа лон̣ам̣ г̇арубхааво жаад̇и. саггаа бана, махаарааж̇а, лон̣ам̣ д̇улааяа д̇улаяид̇у’’нд̇и? ‘‘аама, бханд̇з, саггаа’’д̇и. ‘‘на саггаа, махаарааж̇а, лон̣ам̣ д̇улааяа д̇улаяид̇ум̣, г̇арубхааво д̇улааяа д̇улияад̇ий’’д̇и.
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
нааг̇асзнабан̃хо д̣̇уд̇ияо.
Nāgasenapañho dutiyo.
Footnotes:
