| Library / Tipiṭaka / ཏིཔིཊཀ • Tipiṭaka / མཛྫྷིམནིཀཱཡ (ཨཊྛཀཐཱ) • Majjhimanikāya (aṭṭhakathā) |
༨. ནགརཝིནྡེཡྻསུཏྟཝཎྞནཱ
8. Nagaravindeyyasuttavaṇṇanā
༤༣༥. ཨེཝཾ མེ སུཏནྟི ནགརཝིནྡེཡྻསུཏྟཾ། ཏཏྠ སམཝིསམཾ ཙརནྟཱིཏི ཀཱལེན སམཾ ཙརནྟི, ཀཱལེན ཝིསམཾ། སམཙརིཡམྤི ཧེཏནྟི སམཙརིཡམྤི ཧི ཨེཏཾ།
435.Evaṃme sutanti nagaravindeyyasuttaṃ. Tattha samavisamaṃ carantīti kālena samaṃ caranti, kālena visamaṃ. Samacariyampi hetanti samacariyampi hi etaṃ.
༤༣༧. ཀེ ཨཱཀཱརཱཏི ཀཱནི ཀཱརཎཱནི? ཀེ ཨནྭཡཱཏི ཀཱ ཨནུབུདྡྷིཡོ? ནཏྠི ཁོ པན ཏཏྠཱཏི ཀསྨཱ ཨཱཧ, ནནུ ཨརཉྙེ ཧརིཏཏིཎཙམྤཀཝནཱདིཝསེན ཨཏིམནུཉྙཱ རཱུཔཱདཡོ པཉྩ ཀཱམགུཎཱ ཨཏྠཱིཏི? ནོ ནཏྠི། ན པནེཏཾ ཝནསཎྜེན ཀཐིཏཾ, ཨིཏྠིརཱུཔཱདཱིནི པན སནྡྷཱཡེཏཾ ཀཐིཏཾ། ཏཱནི ཧི པུརིསསྶ ཙིཏྟཾ པརིཡཱདཱཡ ཏིཊྛནྟི། ཡཐཱཧ – ‘‘ནཱཧཾ, བྷིཀྑཝེ, ཨཉྙཾ ཨེཀརཱུཔམྤི སམནུཔསྶཱམི, ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི, ཡཐཡིདཾ, བྷིཀྑཝེ, ཨིཏྠིརཱུཔཾ། ཨིཏྠིརཱུཔཾ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི (ཨ॰ ནི॰ ༡.༡) ཝིཏྠཱརེཏབྦཾ། སེསཾ སབྦཏྠ ཨུཏྟཱནམེཝཱཏི།
437.Ke ākārāti kāni kāraṇāni? Ke anvayāti kā anubuddhiyo? Natthi kho pana tatthāti kasmā āha, nanu araññe haritatiṇacampakavanādivasena atimanuññā rūpādayo pañca kāmaguṇā atthīti? No natthi. Na panetaṃ vanasaṇḍena kathitaṃ, itthirūpādīni pana sandhāyetaṃ kathitaṃ. Tāni hi purisassa cittaṃ pariyādāya tiṭṭhanti. Yathāha – ‘‘nāhaṃ, bhikkhave, aññaṃ ekarūpampi samanupassāmi, yaṃ evaṃ purisassa cittaṃ pariyādāya tiṭṭhati, yathayidaṃ, bhikkhave, itthirūpaṃ. Itthirūpaṃ, bhikkhave, purisassa cittaṃ pariyādāya tiṭṭhatī’’ti (a. ni. 1.1) vitthāretabbaṃ. Sesaṃ sabbattha uttānamevāti.
པཔཉྩསཱུདནིཡཱ མཛ྄ཛྷིམནིཀཱཡཊྛཀཐཱཡ
Papañcasūdaniyā majjhimanikāyaṭṭhakathāya
ནགརཝིནྡེཡྻསུཏྟཝཎྞནཱ ནིཊྛིཏཱ།
Nagaravindeyyasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / མཛྫྷིམནིཀཱཡ • Majjhimanikāya / ༨. ནགརཝིནྡེཡྻསུཏྟཾ • 8. Nagaravindeyyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / མཛྫྷིམནིཀཱཡ (ཊཱིཀཱ) • Majjhimanikāya (ṭīkā) / ༨. ནགརཝིནྡེཡྻསུཏྟཝཎྞནཱ • 8. Nagaravindeyyasuttavaṇṇanā
