| Library / Tipiṭaka / តិបិដក • Tipiṭaka / មជ្ឈិមនិកាយ (អដ្ឋកថា) • Majjhimanikāya (aṭṭhakathā) |
៨. នគរវិន្ទេយ្យសុត្តវណ្ណនា
8. Nagaravindeyyasuttavaṇṇanā
៤៣៥. ឯវំ មេ សុតន្តិ នគរវិន្ទេយ្យសុត្តំ។ តត្ថ សមវិសមំ ចរន្តីតិ កាលេន សមំ ចរន្តិ, កាលេន វិសមំ។ សមចរិយម្បិ ហេតន្តិ សមចរិយម្បិ ហិ ឯតំ។
435.Evaṃme sutanti nagaravindeyyasuttaṃ. Tattha samavisamaṃ carantīti kālena samaṃ caranti, kālena visamaṃ. Samacariyampi hetanti samacariyampi hi etaṃ.
៤៣៧. កេ អាការាតិ កានិ ការណានិ? កេ អន្វយាតិ កា អនុពុទ្ធិយោ? នត្ថិ ខោ បន តត្ថាតិ កស្មា អាហ, ននុ អរញ្ញេ ហរិតតិណចម្បកវនាទិវសេន អតិមនុញ្ញា រូបាទយោ បញ្ច កាមគុណា អត្ថីតិ? នោ នត្ថិ។ ន បនេតំ វនសណ្ឌេន កថិតំ, ឥត្ថិរូបាទីនិ បន សន្ធាយេតំ កថិតំ។ តានិ ហិ បុរិសស្ស ចិត្តំ បរិយាទាយ តិដ្ឋន្តិ។ យថាហ – ‘‘នាហំ, ភិក្ខវេ, អញ្ញំ ឯករូបម្បិ សមនុបស្សាមិ, យំ ឯវំ បុរិសស្ស ចិត្តំ បរិយាទាយ តិដ្ឋតិ, យថយិទំ, ភិក្ខវេ, ឥត្ថិរូបំ។ ឥត្ថិរូបំ, ភិក្ខវេ, បុរិសស្ស ចិត្តំ បរិយាទាយ តិដ្ឋតី’’តិ (អ. និ. ១.១) វិត្ថារេតព្ពំ។ សេសំ សព្ពត្ថ ឧត្តានមេវាតិ។
437.Ke ākārāti kāni kāraṇāni? Ke anvayāti kā anubuddhiyo? Natthi kho pana tatthāti kasmā āha, nanu araññe haritatiṇacampakavanādivasena atimanuññā rūpādayo pañca kāmaguṇā atthīti? No natthi. Na panetaṃ vanasaṇḍena kathitaṃ, itthirūpādīni pana sandhāyetaṃ kathitaṃ. Tāni hi purisassa cittaṃ pariyādāya tiṭṭhanti. Yathāha – ‘‘nāhaṃ, bhikkhave, aññaṃ ekarūpampi samanupassāmi, yaṃ evaṃ purisassa cittaṃ pariyādāya tiṭṭhati, yathayidaṃ, bhikkhave, itthirūpaṃ. Itthirūpaṃ, bhikkhave, purisassa cittaṃ pariyādāya tiṭṭhatī’’ti (a. ni. 1.1) vitthāretabbaṃ. Sesaṃ sabbattha uttānamevāti.
បបញ្ចសូទនិយា មជ្ឈិមនិកាយដ្ឋកថាយ
Papañcasūdaniyā majjhimanikāyaṭṭhakathāya
នគរវិន្ទេយ្យសុត្តវណ្ណនា និដ្ឋិតា។
Nagaravindeyyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / មជ្ឈិមនិកាយ • Majjhimanikāya / ៨. នគរវិន្ទេយ្យសុត្តំ • 8. Nagaravindeyyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / មជ្ឈិមនិកាយ (ដីកា) • Majjhimanikāya (ṭīkā) / ៨. នគរវិន្ទេយ្យសុត្តវណ្ណនា • 8. Nagaravindeyyasuttavaṇṇanā
