| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ನಾಗಪಲ್ಲವತ್ಥೇರಅಪದಾನಂ
5. Nāgapallavattheraapadānaṃ
೧೧೮.
118.
‘‘ನಗರೇ ಬನ್ಧುಮತಿಯಾ, ರಾಜುಯ್ಯಾನೇ ವಸಾಮಹಂ।
‘‘Nagare bandhumatiyā, rājuyyāne vasāmahaṃ;
ಮಮ ಅಸ್ಸಮಸಾಮನ್ತಾ, ನಿಸೀದಿ ಲೋಕನಾಯಕೋ॥
Mama assamasāmantā, nisīdi lokanāyako.
೧೧೯.
119.
‘‘ನಾಗಪಲ್ಲವಮಾದಾಯ , ಬುದ್ಧಸ್ಸ ಅಭಿರೋಪಯಿಂ।
‘‘Nāgapallavamādāya , buddhassa abhiropayiṃ;
ಪಸನ್ನಚಿತ್ತೋ ಸುಮನೋ, ಸುಗತಂ ಅಭಿವಾದಯಿಂ॥
Pasannacitto sumano, sugataṃ abhivādayiṃ.
೧೨೦.
120.
‘‘ಏಕನವುತಿತೋ ಕಪ್ಪೇ, ಯಂ ಪಲ್ಲವಮಪೂಜಯಿಂ।
‘‘Ekanavutito kappe, yaṃ pallavamapūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೧೨೧.
121.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೧೨೨.
122.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೨೩.
123.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ನಾಗಪಲ್ಲವೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā nāgapallavo thero imā gāthāyo abhāsitthāti.
ನಾಗಪಲ್ಲವತ್ಥೇರಸ್ಸಾಪದಾನಂ ಪಞ್ಚಮಂ।
Nāgapallavattherassāpadānaṃ pañcamaṃ.
