| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৫. নাগপল্লৰত্থেরঅপদানং
5. Nāgapallavattheraapadānaṃ
১১৮.
118.
‘‘নগরে বন্ধুমতিযা, রাজুয্যানে ৰসামহং।
‘‘Nagare bandhumatiyā, rājuyyāne vasāmahaṃ;
মম অস্সমসামন্তা, নিসীদি লোকনাযকো॥
Mama assamasāmantā, nisīdi lokanāyako.
১১৯.
119.
‘‘নাগপল্লৰমাদায , বুদ্ধস্স অভিরোপযিং।
‘‘Nāgapallavamādāya , buddhassa abhiropayiṃ;
পসন্নচিত্তো সুমনো, সুগতং অভিৰাদযিং॥
Pasannacitto sumano, sugataṃ abhivādayiṃ.
১২০.
120.
‘‘একনৰুতিতো কপ্পে, যং পল্লৰমপূজযিং।
‘‘Ekanavutito kappe, yaṃ pallavamapūjayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
১২১.
121.
‘‘কিলেসা ঝাপিতা ময্হং…পে॰… ৰিহরামি অনাসৰো॥
‘‘Kilesā jhāpitā mayhaṃ…pe… viharāmi anāsavo.
১২২.
122.
‘‘স্ৰাগতং ৰত মে আসি…পে॰… কতং বুদ্ধস্স সাসনং॥
‘‘Svāgataṃ vata me āsi…pe… kataṃ buddhassa sāsanaṃ.
১২৩.
123.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা নাগপল্লৰো থেরো ইমা গাথাযো অভাসিত্থাতি।
Itthaṃ sudaṃ āyasmā nāgapallavo thero imā gāthāyo abhāsitthāti.
নাগপল্লৰত্থেরস্সাপদানং পঞ্চমং।
Nāgapallavattherassāpadānaṃ pañcamaṃ.
