| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. နာဂဒတ္တသုတ္တဝဏ္ဏနာ
7. Nāgadattasuttavaṇṇanā
၂၂၇. အတိကာလေနာတိ အတိဝိယ ပုဗ္ဗဏ္ဟကာလေန, ကာလသ္သေဝာတိ အတ္ထော။ ကောဋိသမ္မုဉ္ဇနိယာတိ သမ္မုဉ္ဇနိကောဋိယာ, သမ္မုဉ္ဇနိယာ ဧကဒေသေနေဝာတိ အတ္ထော။ ဣမိနာ သမ္မဇ္ဇနေ အမနာပကာရိတံ ဒသ္သေတိ။ မဇ္ဈန္ဟိကေ ဝီတိဝတ္တေတိ ဂိဟိသံသဂ္ဂဝသေန ကာလံ ဝီတိနာမေန္တော မဇ္ဈန္ဟေ ဗဟုဝီတိဝတ္တေ။ အညေဟိ ဘိက္ခူဟီတိ နာတိကာလံ ပဝိဋ္ဌေဟိ။ နိသ္သက္ကဝစနဉ္စေတံ။ ဘာယာမိ နာဂဒတ္တန္တိ တသ္သ ပဋိပတ္တိံ ဘာယိတဗ္ဗံ ကတ္ဝာ ဒေဝတာ ဝဒန္တီ ပဋိပတ္တိယံ နိယောဇေတိ။ သုပ္ပဂဗ္ဘန္တိ ကာယပာဂဗ္ဗိယာဒီဟိ အတိဝိယ သမန္နာဂတံ။
227.Atikālenāti ativiya pubbaṇhakālena, kālassevāti attho. Koṭisammuñjaniyāti sammuñjanikoṭiyā, sammuñjaniyā ekadesenevāti attho. Iminā sammajjane amanāpakāritaṃ dasseti. Majjhanhike vītivatteti gihisaṃsaggavasena kālaṃ vītināmento majjhanhe bahuvītivatte. Aññehi bhikkhūhīti nātikālaṃ paviṭṭhehi. Nissakkavacanañcetaṃ. Bhāyāmi nāgadattanti tassa paṭipattiṃ bhāyitabbaṃ katvā devatā vadantī paṭipattiyaṃ niyojeti. Suppagabbhanti kāyapāgabbiyādīhi ativiya samannāgataṃ.
နာဂဒတ္တသုတ္တဝဏ္ဏနာ နိဋ္ဌိတာ။
Nāgadattasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. နာဂဒတ္တသုတ္တံ • 7. Nāgadattasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. နာဂဒတ္တသုတ္တဝဏ္ဏနာ • 7. Nāgadattasuttavaṇṇanā
