| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౭. నాగదత్తసుత్తవణ్ణనా
7. Nāgadattasuttavaṇṇanā
౨౨౭. అతికాలేనాతి అతివియ పుబ్బణ్హకాలేన, కాలస్సేవాతి అత్థో. కోటిసమ్ముఞ్జనియాతి సమ్ముఞ్జనికోటియా, సమ్ముఞ్జనియా ఏకదేసేనేవాతి అత్థో. ఇమినా సమ్మజ్జనే అమనాపకారితం దస్సేతి. మజ్ఝన్హికే వీతివత్తేతి గిహిసంసగ్గవసేన కాలం వీతినామేన్తో మజ్ఝన్హే బహువీతివత్తే. అఞ్ఞేహి భిక్ఖూహీతి నాతికాలం పవిట్ఠేహి. నిస్సక్కవచనఞ్చేతం. భాయామి నాగదత్తన్తి తస్స పటిపత్తిం భాయితబ్బం కత్వా దేవతా వదన్తీ పటిపత్తియం నియోజేతి. సుప్పగబ్భన్తి కాయపాగబ్బియాదీహి అతివియ సమన్నాగతం.
227.Atikālenāti ativiya pubbaṇhakālena, kālassevāti attho. Koṭisammuñjaniyāti sammuñjanikoṭiyā, sammuñjaniyā ekadesenevāti attho. Iminā sammajjane amanāpakāritaṃ dasseti. Majjhanhike vītivatteti gihisaṃsaggavasena kālaṃ vītināmento majjhanhe bahuvītivatte. Aññehi bhikkhūhīti nātikālaṃ paviṭṭhehi. Nissakkavacanañcetaṃ. Bhāyāmi nāgadattanti tassa paṭipattiṃ bhāyitabbaṃ katvā devatā vadantī paṭipattiyaṃ niyojeti. Suppagabbhanti kāyapāgabbiyādīhi ativiya samannāgataṃ.
నాగదత్తసుత్తవణ్ణనా నిట్ఠితా.
Nāgadattasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. నాగదత్తసుత్తం • 7. Nāgadattasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౭. నాగదత్తసుత్తవణ్ణనా • 7. Nāgadattasuttavaṇṇanā
