| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੭. ਨਾਗਦਤ੍ਤਸੁਤ੍ਤਂ
7. Nāgadattasuttaṃ
੨੨੭. ਏਕਂ ਸਮਯਂ ਆਯਸ੍ਮਾ ਨਾਗਦਤ੍ਤੋ ਕੋਸਲੇਸੁ વਿਹਰਤਿ ਅਞ੍ਞਤਰਸ੍ਮਿਂ વਨਸਣ੍ਡੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਨਾਗਦਤ੍ਤੋ ਅਤਿਕਾਲੇਨ ਗਾਮਂ ਪવਿਸਤਿ, ਅਤਿਦਿવਾ ਪਟਿਕ੍ਕਮਤਿ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਆਯਸ੍ਮਤੋ ਨਾਗਦਤ੍ਤਸ੍ਸ ਅਨੁਕਮ੍ਪਿਕਾ ਅਤ੍ਥਕਾਮਾ ਆਯਸ੍ਮਨ੍ਤਂ ਨਾਗਦਤ੍ਤਂ ਸਂવੇਜੇਤੁਕਾਮਾ ਯੇਨਾਯਸ੍ਮਾ ਨਾਗਦਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਨਾਗਦਤ੍ਤਂ ਗਾਥਾਹਿ ਅਜ੍ਝਭਾਸਿ –
227. Ekaṃ samayaṃ āyasmā nāgadatto kosalesu viharati aññatarasmiṃ vanasaṇḍe. Tena kho pana samayena āyasmā nāgadatto atikālena gāmaṃ pavisati, atidivā paṭikkamati. Atha kho yā tasmiṃ vanasaṇḍe adhivatthā devatā āyasmato nāgadattassa anukampikā atthakāmā āyasmantaṃ nāgadattaṃ saṃvejetukāmā yenāyasmā nāgadatto tenupasaṅkami; upasaṅkamitvā āyasmantaṃ nāgadattaṃ gāthāhi ajjhabhāsi –
‘‘ਕਾਲੇ ਪવਿਸ ਨਾਗਦਤ੍ਤ, ਦਿવਾ ਚ ਆਗਨ੍ਤ੍વਾ ਅਤਿવੇਲਚਾਰੀ।
‘‘Kāle pavisa nāgadatta, divā ca āgantvā ativelacārī;
ਸਂਸਟ੍ਠੋ ਗਹਟ੍ਠੇਹਿ, ਸਮਾਨਸੁਖਦੁਕ੍ਖੋ॥
Saṃsaṭṭho gahaṭṭhehi, samānasukhadukkho.
‘‘ਭਾਯਾਮਿ ਨਾਗਦਤ੍ਤਂ ਸੁਪ੍ਪਗਬ੍ਭਂ, ਕੁਲੇਸੁ વਿਨਿਬਦ੍ਧਂ।
‘‘Bhāyāmi nāgadattaṃ suppagabbhaṃ, kulesu vinibaddhaṃ;
ਮਾ ਹੇવ ਮਚ੍ਚੁਰਞ੍ਞੋ ਬਲવਤੋ, ਅਨ੍ਤਕਸ੍ਸ વਸਂ ਉਪੇਸੀ’’ਤਿ 1॥
Mā heva maccurañño balavato, antakassa vasaṃ upesī’’ti 2.
ਅਥ ਖੋ ਆਯਸ੍ਮਾ ਨਾਗਦਤ੍ਤੋ ਤਾਯ ਦੇવਤਾਯ ਸਂવੇਜਿਤੋ ਸਂવੇਗਮਾਪਾਦੀਤਿ।
Atha kho āyasmā nāgadatto tāya devatāya saṃvejito saṃvegamāpādīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਨਾਗਦਤ੍ਤਸੁਤ੍ਤવਣ੍ਣਨਾ • 7. Nāgadattasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਾਗਦਤ੍ਤਸੁਤ੍ਤવਣ੍ਣਨਾ • 7. Nāgadattasuttavaṇṇanā
