| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. નદુબ્ભિયસુત્તવણ્ણના
7. Nadubbhiyasuttavaṇṇanā
૨૫૩. સુપચ્ચત્થિકોતિ સુટ્ઠુ અતિવિય પચ્ચત્થિકો પટિસત્તુ. ગહિતોસીતિ દેવપાસેન બન્ધિત્વા ગહિતો અસિ. બદ્ધોવ અહોસિ સક્કસ્સ પુઞ્ઞાનુભાવેન. ચેતિયરાજા કિર ઇમસ્મિં કપ્પે તતો પુબ્બે કેનચિ અવુત્તપુબ્બં ખરમુસાવાદં અભાસિ, તાવદેવ વિરજ્ઝિત્વા મહાપથવિયા વિવરે દિને નિપતિત્વા અવીચિઅગ્ગિજાલાનમિન્દનમહોસિ. તં સન્ધાય વુત્તં ‘‘ચેતિયરઞ્ઞો પાપં સન્ધાયા’’તિ. મહાપાપાનીતિ મહન્તાનિ ગરુતરાનિ પાપાનિ. તથા હિ વેપચિત્તિનો સપથકરણે નિદસ્સનભાવેન એતાનિ અટ્ઠકથાયં આગતાનીતિ.
253.Supaccatthikoti suṭṭhu ativiya paccatthiko paṭisattu. Gahitosīti devapāsena bandhitvā gahito asi. Baddhova ahosi sakkassa puññānubhāvena. Cetiyarājā kira imasmiṃ kappe tato pubbe kenaci avuttapubbaṃ kharamusāvādaṃ abhāsi, tāvadeva virajjhitvā mahāpathaviyā vivare dine nipatitvā avīciaggijālānamindanamahosi. Taṃ sandhāya vuttaṃ ‘‘cetiyarañño pāpaṃ sandhāyā’’ti. Mahāpāpānīti mahantāni garutarāni pāpāni. Tathā hi vepacittino sapathakaraṇe nidassanabhāvena etāni aṭṭhakathāyaṃ āgatānīti.
નદુબ્ભિયસુત્તવણ્ણના નિટ્ઠિતા.
Nadubbhiyasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નદુબ્ભિયસુત્તં • 7. Nadubbhiyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. નદુબ્ભિયસુત્તવણ્ણના • 7. Nadubbhiyasuttavaṇṇanā
