| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. නදීකස්සපත්ථෙරඅපදානං
2. Nadīkassapattheraapadānaṃ
29.
29.
‘‘පදුමුත්තරස්ස භගවතො, ලොකජෙට්ඨස්ස තාදිනො;
‘‘Padumuttarassa bhagavato, lokajeṭṭhassa tādino;
පිණ්ඩචාරං චරන්තස්ස, වාරතො උත්තමං යසං;
Piṇḍacāraṃ carantassa, vārato uttamaṃ yasaṃ;
අග්ගඵලං ගහෙත්වාන, අදාසිං සත්ථුනො අහං.
Aggaphalaṃ gahetvāna, adāsiṃ satthuno ahaṃ.
30.
30.
‘‘තෙන කම්මෙන දෙවින්දො, ලොකජෙට්ඨො නරාසභො;
‘‘Tena kammena devindo, lokajeṭṭho narāsabho;
සම්පත්තොම්හි අචලං ඨානං, හිත්වා ජයපරාජයං.
Sampattomhi acalaṃ ṭhānaṃ, hitvā jayaparājayaṃ.
31.
31.
‘‘සතසහස්සිතො කප්පෙ, යං ඵලං අදදිං තදා;
‘‘Satasahassito kappe, yaṃ phalaṃ adadiṃ tadā;
දුග්ගතිං නාභිජානාමි, අග්ගදානස්සිදං ඵලං.
Duggatiṃ nābhijānāmi, aggadānassidaṃ phalaṃ.
32.
32.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
33.
33.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
34.
34.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා නදීකස්සපො ථෙරො ඉමා ගාථායො
Itthaṃ sudaṃ āyasmā nadīkassapo thero imā gāthāyo
අභාසිත්ථාති.
Abhāsitthāti.
නදීකස්සපත්ථෙරස්සාපදානං දුතියං.
Nadīkassapattherassāpadānaṃ dutiyaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 2. නදීකස්සපත්ථෙරඅපදානවණ්ණනා • 2. Nadīkassapattheraapadānavaṇṇanā
