| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. नदीकस्सपत्थेरअपदानं
2. Nadīkassapattheraapadānaṃ
२९.
29.
‘‘पदुमुत्तरस्स भगवतो, लोकजेट्ठस्स तादिनो।
‘‘Padumuttarassa bhagavato, lokajeṭṭhassa tādino;
पिण्डचारं चरन्तस्स, वारतो उत्तमं यसं।
Piṇḍacāraṃ carantassa, vārato uttamaṃ yasaṃ;
अग्गफलं गहेत्वान, अदासिं सत्थुनो अहं॥
Aggaphalaṃ gahetvāna, adāsiṃ satthuno ahaṃ.
३०.
30.
‘‘तेन कम्मेन देविन्दो, लोकजेट्ठो नरासभो।
‘‘Tena kammena devindo, lokajeṭṭho narāsabho;
सम्पत्तोम्हि अचलं ठानं, हित्वा जयपराजयं॥
Sampattomhi acalaṃ ṭhānaṃ, hitvā jayaparājayaṃ.
३१.
31.
‘‘सतसहस्सितो कप्पे, यं फलं अददिं तदा।
‘‘Satasahassito kappe, yaṃ phalaṃ adadiṃ tadā;
दुग्गतिं नाभिजानामि, अग्गदानस्सिदं फलं॥
Duggatiṃ nābhijānāmi, aggadānassidaṃ phalaṃ.
३२.
32.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
३३.
33.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
३४.
34.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नदीकस्सपो थेरो इमा गाथायो
Itthaṃ sudaṃ āyasmā nadīkassapo thero imā gāthāyo
अभासित्थाति।
Abhāsitthāti.
नदीकस्सपत्थेरस्सापदानं दुतियं।
Nadīkassapattherassāpadānaṃ dutiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. नदीकस्सपत्थेरअपदानवण्णना • 2. Nadīkassapattheraapadānavaṇṇanā
