| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೭. ಸತ್ತರಸಮವಗ್ಗೋ
17. Sattarasamavaggo
(೧೭೩) ೮. ನ ವತ್ತಬ್ಬಂ ಸಙ್ಘೋ ಭುಞ್ಜತೀತಿಕಥಾ
(173) 8. Na vattabbaṃ saṅgho bhuñjatītikathā
೭೯೫. ನ ವತ್ತಬ್ಬಂ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ? ಆಮನ್ತಾ। ನನು ಅತ್ಥಿ ಕೇಚಿ ಸಙ್ಘಭತ್ತಾನಿ ಕರೋನ್ತಿ, ಉದ್ದೇಸಭತ್ತಾನಿ ಕರೋನ್ತಿ, ಯಾಗುಪಾನಾನಿ ಕರೋನ್ತೀತಿ? ಆಮನ್ತಾ। ಹಞ್ಚಿ ಅತ್ಥಿ ಕೇಚಿ ಸಙ್ಘಭತ್ತಾನಿ ಕರೋನ್ತಿ, ಉದ್ದೇಸಭತ್ತಾನಿ ಕರೋನ್ತಿ, ಯಾಗುಪಾನಾನಿ ಕರೋನ್ತಿ, ತೇನ ವತ ರೇ ವತ್ತಬ್ಬೇ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ।
795. Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu atthi keci saṅghabhattāni karonti, uddesabhattāni karonti, yāgupānāni karontīti? Āmantā. Hañci atthi keci saṅghabhattāni karonti, uddesabhattāni karonti, yāgupānāni karonti, tena vata re vattabbe – ‘‘saṅgho bhuñjati pivati khādati sāyatī’’ti.
ನ ವತ್ತಬ್ಬಂ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ? ಆಮನ್ತಾ। ನನು ವುತ್ತಂ ಭಗವತಾ – ‘‘ಗಣಭೋಜನಂ ಪರಮ್ಪರಭೋಜನಂ ಅತಿರಿತ್ತಭೋಜನಂ ಅನತಿರಿತ್ತಭೋಜನ’’ನ್ತಿ? ಆಮನ್ತಾ। ಹಞ್ಚಿ ವುತ್ತಂ ಭಗವತಾ – ‘‘ಗಣಭೋಜನಂ ಪರಮ್ಪರಭೋಜನಂ ಅತಿರಿತ್ತಭೋಜನಂ ಅನತಿರಿತ್ತಭೋಜನಂ’’, ತೇನ ವತ ರೇ ವತ್ತಬ್ಬೇ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojana’’nti? Āmantā. Hañci vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojanaṃ’’, tena vata re vattabbe – ‘‘saṅgho bhuñjati pivati khādati sāyatī’’ti.
ನ ವತ್ತಬ್ಬಂ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ? ಆಮನ್ತಾ। ನನು ಅಟ್ಠ ಪಾನಾನಿ ವುತ್ತಾನಿ ಭಗವತಾ – ಅಮ್ಬಪಾನಂ, ಜಮ್ಬುಪಾನಂ , ಚೋಚಪಾನಂ, ಮೋಚಪಾನಂ, ಮಧುಕಪಾನಂ, 1 ಮುದ್ದಿಕಪಾನಂ, ಸಾಲುಕಪಾನಂ, ಫಾರುಸಕಪಾನನ್ತಿ? ಆಮನ್ತಾ। ಹಞ್ಚಿ ಅಟ್ಠ ಪಾನಾನಿ ವುತ್ತಾನಿ ಭಗವತಾ – ಅಮ್ಬಪಾನಂ, ಜಮ್ಬುಪಾನಂ, ಚೋಚಪಾನಂ, ಮೋಚಪಾನಂ, ಮಧುಕಪಾನಂ, ಮುದ್ದಿಕಪಾನಂ , ಸಾಲುಕಪಾನಂ, ಫಾರುಸಕಪಾನಂ, ತೇನ ವತ ರೇ ವತ್ತಬ್ಬೇ – ‘‘ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀ’’ತಿ।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu aṭṭha pānāni vuttāni bhagavatā – ambapānaṃ, jambupānaṃ , cocapānaṃ, mocapānaṃ, madhukapānaṃ, 2 muddikapānaṃ, sālukapānaṃ, phārusakapānanti? Āmantā. Hañci aṭṭha pānāni vuttāni bhagavatā – ambapānaṃ, jambupānaṃ, cocapānaṃ, mocapānaṃ, madhukapānaṃ, muddikapānaṃ , sālukapānaṃ, phārusakapānaṃ, tena vata re vattabbe – ‘‘saṅgho bhuñjati pivati khādati sāyatī’’ti.
೭೯೬. ಸಙ್ಘೋ ಭುಞ್ಜತಿ ಪಿವತಿ ಖಾದತಿ ಸಾಯತೀತಿ? ಆಮನ್ತಾ। ಮಗ್ಗೋ ಭುಞ್ಜತಿ ಪಿವತಿ ಖಾದತಿ ಸಾಯತಿ, ಫಲಂ ಭುಞ್ಜತಿ ಪಿವತಿ ಖಾದತಿ ಸಾಯತೀತಿ? ನ ಹೇವಂ ವತ್ತಬ್ಬೇ…ಪೇ॰…।
796. Saṅgho bhuñjati pivati khādati sāyatīti? Āmantā. Maggo bhuñjati pivati khādati sāyati, phalaṃ bhuñjati pivati khādati sāyatīti? Na hevaṃ vattabbe…pe….
ನ ವತ್ತಬ್ಬಂ ಸಙ್ಘೋ ಭುಞ್ಜತೀತಿಕಥಾ ನಿಟ್ಠಿತಾ।
Na vattabbaṃ saṅgho bhuñjatītikathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ನ ವತ್ತಬ್ಬಂ ಸಙ್ಘೋ ಭುಞ್ಜತೀತಿಕಥಾವಣ್ಣನಾ • 8. Na vattabbaṃ saṅgho bhuñjatītikathāvaṇṇanā
