| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. මුට්ඨිපුප්ඵියත්ථෙරඅපදානං
5. Muṭṭhipupphiyattheraapadānaṃ
24.
24.
‘‘සුදස්සනොති නාමෙන, මාලාකාරො අහං තදා;
‘‘Sudassanoti nāmena, mālākāro ahaṃ tadā;
අද්දසං විරජං බුද්ධං, ලොකජෙට්ඨං නරාසභං.
Addasaṃ virajaṃ buddhaṃ, lokajeṭṭhaṃ narāsabhaṃ.
25.
25.
‘‘ජාතිපුප්ඵං ගහෙත්වාන, පූජයිං පදුමුත්තරං;
‘‘Jātipupphaṃ gahetvāna, pūjayiṃ padumuttaraṃ;
විසුද්ධචක්ඛු සුමනො, දිබ්බචක්ඛුං සමජ්ඣගං.
Visuddhacakkhu sumano, dibbacakkhuṃ samajjhagaṃ.
26.
26.
‘‘එතිස්සා පුප්ඵපූජාය, චිත්තස්ස පණිධීහි ච;
‘‘Etissā pupphapūjāya, cittassa paṇidhīhi ca;
කප්පානං සතසහස්සං, දුග්ගතිං නුපපජ්ජහං.
Kappānaṃ satasahassaṃ, duggatiṃ nupapajjahaṃ.
27.
27.
‘‘සොළසාසිංසු රාජානො, දෙවුත්තරසනාමකා;
‘‘Soḷasāsiṃsu rājāno, devuttarasanāmakā;
ඡත්තිංසම්හි ඉතො කප්පෙ, චක්කවත්තී මහබ්බලා.
Chattiṃsamhi ito kappe, cakkavattī mahabbalā.
28.
28.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මුට්ඨිපුප්ඵියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā muṭṭhipupphiyo thero imā gāthāyo abhāsitthāti.
මුට්ඨිපුප්ඵියත්ථෙරස්සාපදානං පඤ්චමං.
Muṭṭhipupphiyattherassāpadānaṃ pañcamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 5. මුට්ඨිපුප්ඵියත්ථෙරඅපදානවණ්ණනා • 5. Muṭṭhipupphiyattheraapadānavaṇṇanā
