| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಮುಟ್ಠಿಪುಪ್ಫಿಯತ್ಥೇರಅಪದಾನಂ
5. Muṭṭhipupphiyattheraapadānaṃ
೨೪.
24.
‘‘ಸುದಸ್ಸನೋತಿ ನಾಮೇನ, ಮಾಲಾಕಾರೋ ಅಹಂ ತದಾ।
‘‘Sudassanoti nāmena, mālākāro ahaṃ tadā;
ಅದ್ದಸಂ ವಿರಜಂ ಬುದ್ಧಂ, ಲೋಕಜೇಟ್ಠಂ ನರಾಸಭಂ॥
Addasaṃ virajaṃ buddhaṃ, lokajeṭṭhaṃ narāsabhaṃ.
೨೫.
25.
‘‘ಜಾತಿಪುಪ್ಫಂ ಗಹೇತ್ವಾನ, ಪೂಜಯಿಂ ಪದುಮುತ್ತರಂ।
‘‘Jātipupphaṃ gahetvāna, pūjayiṃ padumuttaraṃ;
ವಿಸುದ್ಧಚಕ್ಖು ಸುಮನೋ, ದಿಬ್ಬಚಕ್ಖುಂ ಸಮಜ್ಝಗಂ॥
Visuddhacakkhu sumano, dibbacakkhuṃ samajjhagaṃ.
೨೬.
26.
‘‘ಏತಿಸ್ಸಾ ಪುಪ್ಫಪೂಜಾಯ, ಚಿತ್ತಸ್ಸ ಪಣಿಧೀಹಿ ಚ।
‘‘Etissā pupphapūjāya, cittassa paṇidhīhi ca;
ಕಪ್ಪಾನಂ ಸತಸಹಸ್ಸಂ, ದುಗ್ಗತಿಂ ನುಪಪಜ್ಜಹಂ॥
Kappānaṃ satasahassaṃ, duggatiṃ nupapajjahaṃ.
೨೭.
27.
‘‘ಸೋಳಸಾಸಿಂಸು ರಾಜಾನೋ, ದೇವುತ್ತರಸನಾಮಕಾ।
‘‘Soḷasāsiṃsu rājāno, devuttarasanāmakā;
ಛತ್ತಿಂಸಮ್ಹಿ ಇತೋ ಕಪ್ಪೇ, ಚಕ್ಕವತ್ತೀ ಮಹಬ್ಬಲಾ॥
Chattiṃsamhi ito kappe, cakkavattī mahabbalā.
೨೮.
28.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಮುಟ್ಠಿಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā muṭṭhipupphiyo thero imā gāthāyo abhāsitthāti.
ಮುಟ್ಠಿಪುಪ್ಫಿಯತ್ಥೇರಸ್ಸಾಪದಾನಂ ಪಞ್ಚಮಂ।
Muṭṭhipupphiyattherassāpadānaṃ pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೫. ಮುಟ್ಠಿಪುಪ್ಫಿಯತ್ಥೇರಅಪದಾನವಣ್ಣನಾ • 5. Muṭṭhipupphiyattheraapadānavaṇṇanā
