| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. मुट्ठिपुप्फियत्थेरअपदानं
5. Muṭṭhipupphiyattheraapadānaṃ
२४.
24.
‘‘सुदस्सनोति नामेन, मालाकारो अहं तदा।
‘‘Sudassanoti nāmena, mālākāro ahaṃ tadā;
अद्दसं विरजं बुद्धं, लोकजेट्ठं नरासभं॥
Addasaṃ virajaṃ buddhaṃ, lokajeṭṭhaṃ narāsabhaṃ.
२५.
25.
‘‘जातिपुप्फं गहेत्वान, पूजयिं पदुमुत्तरं।
‘‘Jātipupphaṃ gahetvāna, pūjayiṃ padumuttaraṃ;
विसुद्धचक्खु सुमनो, दिब्बचक्खुं समज्झगं॥
Visuddhacakkhu sumano, dibbacakkhuṃ samajjhagaṃ.
२६.
26.
‘‘एतिस्सा पुप्फपूजाय, चित्तस्स पणिधीहि च।
‘‘Etissā pupphapūjāya, cittassa paṇidhīhi ca;
कप्पानं सतसहस्सं, दुग्गतिं नुपपज्जहं॥
Kappānaṃ satasahassaṃ, duggatiṃ nupapajjahaṃ.
२७.
27.
‘‘सोळसासिंसु राजानो, देवुत्तरसनामका।
‘‘Soḷasāsiṃsu rājāno, devuttarasanāmakā;
छत्तिंसम्हि इतो कप्पे, चक्कवत्ती महब्बला॥
Chattiṃsamhi ito kappe, cakkavattī mahabbalā.
२८.
28.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मुट्ठिपुप्फियो थेरो इमा गाथायो अभासित्थाति।
Itthaṃ sudaṃ āyasmā muṭṭhipupphiyo thero imā gāthāyo abhāsitthāti.
मुट्ठिपुप्फियत्थेरस्सापदानं पञ्चमं।
Muṭṭhipupphiyattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. मुट्ठिपुप्फियत्थेरअपदानवण्णना • 5. Muṭṭhipupphiyattheraapadānavaṇṇanā
