| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. මුට්ඨිපූජකත්ථෙරඅපදානං
8. Muṭṭhipūjakattheraapadānaṃ
42.
42.
‘‘සුමෙධො නාම භගවා, ලොකජෙට්ඨො නරාසභො;
‘‘Sumedho nāma bhagavā, lokajeṭṭho narāsabho;
පච්ඡිමෙ අනුකම්පාය, පධානං පදහී ජිනො.
Pacchime anukampāya, padhānaṃ padahī jino.
43.
43.
‘‘තස්ස චඞ්කමමානස්ස, ද්විපදින්දස්ස තාදිනො;
‘‘Tassa caṅkamamānassa, dvipadindassa tādino;
ගිරිනෙලස්ස පුප්ඵානං, මුට්ඨිං බුද්ධස්ස රොපයිං.
Girinelassa pupphānaṃ, muṭṭhiṃ buddhassa ropayiṃ.
44.
44.
‘‘තෙන චිත්තප්පසාදෙන, සුක්කමූලෙන චොදිතො;
‘‘Tena cittappasādena, sukkamūlena codito;
තිංසකප්පසහස්සානි, දුග්ගතිං නුපපජ්ජහං.
Tiṃsakappasahassāni, duggatiṃ nupapajjahaṃ.
45.
45.
‘‘තෙවීසතිකප්පසතෙ, සුනෙලො නාම ඛත්තියො;
‘‘Tevīsatikappasate, sunelo nāma khattiyo;
සත්තරතනසම්පන්නො, එකො ආසිං මහබ්බලො.
Sattaratanasampanno, eko āsiṃ mahabbalo.
46.
46.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මුට්ඨිපූජකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā muṭṭhipūjako thero imā gāthāyo abhāsitthāti.
මුට්ඨිපූජකත්ථෙරස්සාපදානං අට්ඨමං.
Muṭṭhipūjakattherassāpadānaṃ aṭṭhamaṃ.
