| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. མུཊྛསྶཏིསུཏྟཾ
10. Muṭṭhassatisuttaṃ
༢༡༠. 1 ‘‘པཉྩིམེ, བྷིཀྑཝེ, ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཡཏོ ། ཀཏམེ པཉྩ? དུཀྑཾ སུཔཏི, དུཀྑཾ པཊིབུཛ྄ཛྷཏི, པཱཔཀཾ སུཔིནཾ པསྶཏི, དེཝཏཱ ན རཀྑནྟི, ཨསུཙི མུཙྩཏི། ཨིམེ ཁོ, བྷིཀྑཝེ, པཉྩ ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཡཏོ།
210.2 ‘‘Pañcime, bhikkhave, ādīnavā muṭṭhassatissa asampajānassa niddaṃ okkamayato . Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati. Ime kho, bhikkhave, pañca ādīnavā muṭṭhassatissa asampajānassa niddaṃ okkamayato.
‘‘པཉྩིམེ, བྷིཀྑཝེ, ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཡཏོ། ཀཏམེ པཉྩ? སུཁཾ སུཔཏི, སུཁཾ པཊིབུཛ྄ཛྷཏི, ན པཱཔཀཾ སུཔིནཾ པསྶཏི , དེཝཏཱ རཀྑནྟི, ཨསུཙི ན མུཙྩཏི། ཨིམེ ཁོ, བྷིཀྑཝེ, པཉྩ ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཡཏོ’’ཏི། དསམཾ།
‘‘Pañcime, bhikkhave, ānisaṃsā upaṭṭhitassatissa sampajānassa niddaṃ okkamayato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati , devatā rakkhanti, asuci na muccati. Ime kho, bhikkhave, pañca ānisaṃsā upaṭṭhitassatissa sampajānassa niddaṃ okkamayato’’ti. Dasamaṃ.
ཀིམིལཝགྒོ པཋམོ།
Kimilavaggo paṭhamo.
ཏསྶུདྡཱནཾ –
Tassuddānaṃ –
ཀིམིལོ དྷམྨསྶཝནཾ, ཨཱཛཱནཱིཡོ བལཾ ཁིལཾ།
Kimilo dhammassavanaṃ, ājānīyo balaṃ khilaṃ;
ཝིནིབནྡྷཾ ཡཱགུ ཀཊྛཾ, གཱིཏཾ མུཊྛསྶཏིནཱ ཙཱཏི༎
Vinibandhaṃ yāgu kaṭṭhaṃ, gītaṃ muṭṭhassatinā cāti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. མུཊྛསྶཏིསུཏྟཝཎྞནཱ • 10. Muṭṭhassatisuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. གཱིཏསྶརསུཏྟཱདིཝཎྞནཱ • 9-10. Gītassarasuttādivaṇṇanā
