| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. мудтассад̇исуд̇д̇ам̣
10. Muṭṭhassatisuttaṃ
210. 1 ‘‘бан̃жимз, бхигкавз, аад̣̇ийнаваа мудтассад̇исса асамбаж̇аанасса нид̣̇д̣̇ам̣ оггамаяад̇о . гад̇амз бан̃жа? д̣̇угкам̣ субад̇и, д̣̇угкам̣ бадиб̣уж̇жхад̇и, баабагам̣ субинам̣ бассад̇и, д̣̇звад̇аа на рагканд̇и, асужи мужжад̇и. имз ко, бхигкавз, бан̃жа аад̣̇ийнаваа мудтассад̇исса асамбаж̇аанасса нид̣̇д̣̇ам̣ оггамаяад̇о.
210.2 ‘‘Pañcime, bhikkhave, ādīnavā muṭṭhassatissa asampajānassa niddaṃ okkamayato . Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati. Ime kho, bhikkhave, pañca ādīnavā muṭṭhassatissa asampajānassa niddaṃ okkamayato.
‘‘бан̃жимз, бхигкавз, аанисам̣саа убадтид̇ассад̇исса самбаж̇аанасса нид̣̇д̣̇ам̣ оггамаяад̇о. гад̇амз бан̃жа? сукам̣ субад̇и, сукам̣ бадиб̣уж̇жхад̇и, на баабагам̣ субинам̣ бассад̇и , д̣̇звад̇аа рагканд̇и, асужи на мужжад̇и. имз ко, бхигкавз, бан̃жа аанисам̣саа убадтид̇ассад̇исса самбаж̇аанасса нид̣̇д̣̇ам̣ оггамаяад̇о’’д̇и. д̣̇асамам̣.
‘‘Pañcime, bhikkhave, ānisaṃsā upaṭṭhitassatissa sampajānassa niddaṃ okkamayato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati , devatā rakkhanti, asuci na muccati. Ime kho, bhikkhave, pañca ānisaṃsā upaṭṭhitassatissa sampajānassa niddaṃ okkamayato’’ti. Dasamaṃ.
гимилаваг̇г̇о батамо.
Kimilavaggo paṭhamo.
д̇ассуд̣̇д̣̇аанам̣ –
Tassuddānaṃ –
гимило д̇хаммассаванам̣, ааж̇аанийяо б̣алам̣ килам̣;
Kimilo dhammassavanaṃ, ājānīyo balaṃ khilaṃ;
виниб̣анд̇хам̣ яааг̇у гадтам̣, г̇ийд̇ам̣ мудтассад̇инаа жаад̇и.
Vinibandhaṃ yāgu kaṭṭhaṃ, gītaṃ muṭṭhassatinā cāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. мудтассад̇исуд̇д̇аван̣н̣анаа • 10. Muṭṭhassatisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. г̇ийд̇ассарасуд̇д̇аад̣̇иван̣н̣анаа • 9-10. Gītassarasuttādivaṇṇanā
