| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
མཱུལཱཡཔཊིཀསྶནཱརཧཝཏྟཀཐཱ
Mūlāyapaṭikassanārahavattakathā
༨༦. མཱུལཱཡཔཊིཀསྶནཱརཧཱ བྷིཀྑཱུ སཱདིཡནྟི པཀཏཏྟཱནནྟི ཋཔེཏྭཱ ནཝཀཏརཾ མཱུལཱཡཔཊིཀསྶནཱརཧཾ ཨཝསེསཱནཾ ཨནྟམསོ པཱརིཝཱསིཀཱདཱིནམྤི། ཨིམེསཉྷི པཱརིཝཱསིཀམཱུལཱཡཔཊིཀསྶནཱརཧམཱནཏྟཱརཧམཱནཏྟཱཙཱརིཀབྦྷཱནཱརཧཱནཾ པཉྩནྣཾ ཋཔེཏྭཱ ཨཏྟནོ ཨཏྟནོ ནཝཀཏརཾ, སེསཱ སབྦེ པཀཏཏྟཱ ཨེཝ། ཀསྨཱ? མིཐུ ཡཐཱཝུཌྜྷཾ ཨབྷིཝཱདནཱདཱིནཾ ཨནུཉྙཱཏཏྟཱ། ཏེན ཝུཏྟཾ – ‘‘ཨཝསེསཱནཾ ཨནྟམསོ པཱརིཝཱསིཀཱདཱིནམྤཱི’’ཏི། མཱུལཱཡཔཊིཀསྶནཱརཧཱདིལཀྑཎཾ པན ནེསཾ པརཏོ ཨཱཝིབྷཝིསྶཏི། སེསམེཏྠ ཨིཏོ པརེསུ ཙ མཱནཏྟཱརཧཱདིཝཏྟེསུ པཱརིཝཱསིཀཝཏྟེ ཝུཏྟནཡེནེཝ ཝེདིཏབྦཾ།
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
༨༧. མཱུལཱཡཔཊིཀསྶནཱརཧཙཏུཏྠོ ཙེཏིཨཱདཱིསུཔི ཡཐེཝ པཱརིཝཱསིཀོ; ཨེཝཾ ཨེཏེཔི ཨེཏེསུ ཝིནཡཀམྨེསུ གཎཔཱུརཀཱ ན ཧོནྟི, སེསསངྒྷཀམྨེསུ ཧོནྟི།
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
མཱུལཱཡཔཊིཀསྶནཱརཧཝཏྟཀཐཱ ནིཊྛིཏཱ།
Mūlāyapaṭikassanārahavattakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༢. མཱུལཱཡཔཊིཀསྶནཱརཧཝཏྟཾ • 2. Mūlāyapaṭikassanārahavattaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / མཱུལཱཡཔཊིཀསྶནཱརཧཝཏྟཀཐཱཝཎྞནཱ • Mūlāyapaṭikassanārahavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢. མཱུལཱཡཔཊིཀསྶནཱརཧཝཏྟཀཐཱ • 2. Mūlāyapaṭikassanārahavattakathā
