| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
муулараасиван̣н̣анаа
Mūlarāsivaṇṇanā
на луб̣бханд̇и зд̇зна, саяам̣ ваа на луб̣бхад̇и, алуб̣бханамад̇д̇амзва ваа д̇анд̇и алобхо. ад̣̇осаамохзсуби зсзва наяо. д̇зсу алобхо аарамман̣з жид̇д̇асса аг̇зд̇халагкан̣о, алаг̇г̇абхаавалагкан̣о ваа гамалад̣̇алз ж̇алаб̣инд̣̇у вияа. абариг̇г̇ахан̣арасо муд̇д̇абхигку вияа . аналлийнабхаавабажжубадтаано асужимхи бад̇ид̇абурисо вияа. ад̣̇осо ажан̣д̣иггалагкан̣о, авирод̇халагкан̣о ваа анугууламид̇д̇о вияа. аагхаад̇авинаяарасо барил̣аахавинаяарасо ваа жанд̣̇анам̣ вияа. соммабхаавабажжубадтаано бун̣н̣ажанд̣̇о вияа. амохо лагкан̣аад̣̇ийхи хздтаа бан̃н̃инд̣̇рияабад̣̇з вибхаавид̇о зва.
Na lubbhanti etena, sayaṃ vā na lubbhati, alubbhanamattameva vā tanti alobho. Adosāmohesupi eseva nayo. Tesu alobho ārammaṇe cittassa agedhalakkhaṇo, alaggabhāvalakkhaṇo vā kamaladale jalabindu viya. Apariggahaṇaraso muttabhikkhu viya . Anallīnabhāvapaccupaṭṭhāno asucimhi patitapuriso viya. Adoso acaṇḍikkalakkhaṇo, avirodhalakkhaṇo vā anukūlamitto viya. Āghātavinayaraso pariḷāhavinayaraso vā candanaṃ viya. Sommabhāvapaccupaṭṭhāno puṇṇacando viya. Amoho lakkhaṇādīhi heṭṭhā paññindriyapade vibhāvito eva.
имзсу бана д̇ийсу алобхо мажчзрамаласса бадибагко, ад̣̇осо д̣̇уссийляамаласса, амохо гусалзсу д̇хаммзсу абхааванааяа бадибагко. алобхо жзд̇т̇а д̣̇аанахзд̇у, ад̣̇осо сийлахзд̇у, амохо бхааванаахзд̇у. д̇зсу жа алобхзна анад̇хигам̣ г̇ан̣хаад̇и, луд̣̇д̇хасса ад̇хигаг̇г̇ахан̣ад̇о. ад̣̇осзна ануунам̣, д̣̇удтасса уунаг̇г̇ахан̣ад̇о. амохзна авибарийд̇ам̣, муул̣хасса вибарийд̇аг̇г̇ахан̣ад̇о.
Imesu pana tīsu alobho maccheramalassa paṭipakkho, adoso dussīlyamalassa, amoho kusalesu dhammesu abhāvanāya paṭipakkho. Alobho cettha dānahetu, adoso sīlahetu, amoho bhāvanāhetu. Tesu ca alobhena anadhikaṃ gaṇhāti, luddhassa adhikaggahaṇato. Adosena anūnaṃ, duṭṭhassa ūnaggahaṇato. Amohena aviparītaṃ, mūḷhassa viparītaggahaṇato.
алобхзна жзд̇т̇а виж̇ж̇амаанам̣ д̣̇осам̣ д̣̇осад̇о д̇хаарзнд̇о д̣̇осз бавад̇д̇ад̇и; луд̣̇д̇хо хи д̣̇осам̣ бадижчаад̣̇зд̇и. ад̣̇осзна виж̇ж̇амаанам̣ г̇ун̣ам̣ г̇ун̣ад̇о д̇хаарзнд̇о г̇ун̣з бавад̇д̇ад̇и; д̣̇удто хи г̇ун̣ам̣ магкзд̇и. амохзна яаат̇аавасабхаавам̣ яаат̇аавасабхаавад̇о д̇хаарзнд̇о яаат̇аавасабхаавз бавад̇д̇ад̇и. муул̣хо хи ‘д̇ажчам̣ ад̇ажчанд̇и ад̇ажчам̣ жа д̇ажча’нд̇и г̇ан̣хаад̇и. алобхзна жа бияавиббаяог̇ад̣̇угкам̣ на ход̇и, луд̣̇д̇хасса бияасабхаавад̇о бияавиббаяог̇аасаханад̇о жа. ад̣̇осзна аббияасамбаяог̇ад̣̇угкам̣ на ход̇и, д̣̇удтасса хи аббияасабхаавад̇о аббияасамбаяог̇аасаханад̇о жа. амохзна ижчид̇аалаабхад̣̇угкам̣ на ход̇и, амуул̣хасса хи ‘д̇ам̣ гуд̇зд̇т̇а лаб̣бхаа’д̇извамаад̣̇ибажжавзгкан̣асамбхавад̇о (д̣̇ий. ни. 3.34; а. ни. 9.30).
Alobhena cettha vijjamānaṃ dosaṃ dosato dhārento dose pavattati; luddho hi dosaṃ paṭicchādeti. Adosena vijjamānaṃ guṇaṃ guṇato dhārento guṇe pavattati; duṭṭho hi guṇaṃ makkheti. Amohena yāthāvasabhāvaṃ yāthāvasabhāvato dhārento yāthāvasabhāve pavattati. Mūḷho hi ‘tacchaṃ atacchanti atacchaṃ ca taccha’nti gaṇhāti. Alobhena ca piyavippayogadukkhaṃ na hoti, luddhassa piyasabhāvato piyavippayogāsahanato ca. Adosena appiyasampayogadukkhaṃ na hoti, duṭṭhassa hi appiyasabhāvato appiyasampayogāsahanato ca. Amohena icchitālābhadukkhaṃ na hoti, amūḷhassa hi ‘taṃ kutettha labbhā’tievamādipaccavekkhaṇasambhavato (dī. ni. 3.34; a. ni. 9.30).
алобхзна жзд̇т̇а ж̇аад̇ид̣̇угкам̣ на ход̇и, алобхасса д̇ан̣хаабадибагкад̇о д̇ан̣хаамуулагад̇д̇аа жа ж̇аад̇ид̣̇угкасса. ад̣̇осзна ж̇араад̣̇угкам̣ на ход̇и, д̇игкад̣̇осасса киббам̣ ж̇араасамбхавад̇о. амохзна маран̣ад̣̇угкам̣ на ход̇и, саммохамаран̣ан̃хи д̣̇угкам̣, на жзд̇ам̣ амуул̣хасса ход̇и. алобхзна жа г̇ахадтаанам̣, амохзна баб̣б̣аж̇ид̇аанам̣, ад̣̇осзна бана саб̣б̣зсамби сукасам̣ваасад̇аа ход̇и.
Alobhena cettha jātidukkhaṃ na hoti, alobhassa taṇhāpaṭipakkhato taṇhāmūlakattā ca jātidukkhassa. Adosena jarādukkhaṃ na hoti, tikkhadosassa khippaṃ jarāsambhavato. Amohena maraṇadukkhaṃ na hoti, sammohamaraṇañhi dukkhaṃ, na cetaṃ amūḷhassa hoti. Alobhena ca gahaṭṭhānaṃ, amohena pabbajitānaṃ, adosena pana sabbesampi sukhasaṃvāsatā hoti.
висзсад̇о жзд̇т̇а алобхзна бзд̇д̇ивисаяз убабад̇д̇и на ход̇и. язбхуяязна хи сад̇д̇аа д̇ан̣хааяа бзд̇д̇ивисаяам̣ убабаж̇ж̇анд̇и, д̇ан̣хааяа жа бадибагко алобхо. ад̣̇осзна нираяз убабад̇д̇и на ход̇и. д̣̇осзна хи жан̣д̣аж̇аад̇ид̇ааяа д̣̇осасад̣̇исам̣ нираяам̣ убабаж̇ж̇анд̇и. д̣̇осасса жа бадибагко ад̣̇осо. амохзна д̇иражчаанаяонияам̣ ниб̣б̣ад̇д̇и на ход̇и. мохзна хи нижжасаммуул̣хам̣ д̇иражчаанаяоним̣ убабаж̇ж̇анд̇и. мохасса бадибагко жа амохо. зд̇зсу жа алобхо рааг̇авасзна убаг̇аманасса абхаавагаро, ад̣̇осо д̣̇осавасзна абаг̇аманасса, амохо мохавасзна амаж̇жхад̇д̇абхаавасса.
Visesato cettha alobhena pettivisaye upapatti na hoti. Yebhuyyena hi sattā taṇhāya pettivisayaṃ upapajjanti, taṇhāya ca paṭipakkho alobho. Adosena niraye upapatti na hoti. Dosena hi caṇḍajātitāya dosasadisaṃ nirayaṃ upapajjanti. Dosassa ca paṭipakkho adoso. Amohena tiracchānayoniyaṃ nibbatti na hoti. Mohena hi niccasammūḷhaṃ tiracchānayoniṃ upapajjanti. Mohassa paṭipakkho ca amoho. Etesu ca alobho rāgavasena upagamanassa abhāvakaro, adoso dosavasena apagamanassa, amoho mohavasena amajjhattabhāvassa.
д̇ийхиби жзд̇зхи яат̇аабадибаадияаа нзгкаммасан̃н̃аа аб̣яаабаад̣̇асан̃н̃аа авихим̣саасан̃н̃аад̇и имаа д̇иссо. асубхасан̃н̃аа аббамаан̣асан̃н̃аа д̇хаад̇усан̃н̃аад̇и имаа жа д̇иссо сан̃н̃ааяо хонд̇и. алобхзна бана гаамасукаллигаануяог̇аанд̇асса, ад̣̇осзна ад̇д̇агиламат̇аануяог̇аанд̇асса бариваж̇ж̇анам̣ ход̇и; амохзна маж̇жхимааяа бадибад̇д̇ияаа бадибаж̇ж̇анам̣. д̇ат̇аа алобхзна абхиж̇жхаагааяаг̇ант̇асса бабхзд̣̇анам̣ ход̇и, ад̣̇осзна б̣яаабаад̣̇агааяаг̇ант̇асса, амохзна сзсаг̇ант̇ад̣̇ваяасса. буримаани жа д̣̇вз сад̇ибадтаанаани буримаанам̣ д̣̇виннам̣ аанубхаавзна, бажчимаани бажчимассзва аанубхаавзна иж̇жханд̇и.
Tīhipi cetehi yathāpaṭipāṭiyā nekkhammasaññā abyāpādasaññā avihiṃsāsaññāti imā tisso. Asubhasaññā appamāṇasaññā dhātusaññāti imā ca tisso saññāyo honti. Alobhena pana kāmasukhallikānuyogaantassa, adosena attakilamathānuyogaantassa parivajjanaṃ hoti; amohena majjhimāya paṭipattiyā paṭipajjanaṃ. Tathā alobhena abhijjhākāyaganthassa pabhedanaṃ hoti, adosena byāpādakāyaganthassa, amohena sesaganthadvayassa. Purimāni ca dve satipaṭṭhānāni purimānaṃ dvinnaṃ ānubhāvena, pacchimāni pacchimasseva ānubhāvena ijjhanti.
алобхо жзд̇т̇а аарог̇яасса бажжаяо ход̇и; алуд̣̇д̇хо хи лобханийяамби асаббааяам̣ на сзвад̇и, д̇зна ко арог̇о ход̇и. ад̣̇осо яоб̣б̣анасса; ад̣̇удто хи валибалид̇аавахзна д̣̇осаг̇г̇инаа ад̣аяхамаано д̣̇ийгхарад̇д̇ам̣ яуваа ход̇и. амохо д̣̇ийгхааяугад̇ааяа; амуул̣хо хи хид̇аахид̇ам̣ н̃ад̇ваа ахид̇ам̣ бариваж̇ж̇анд̇о хид̇ан̃жа бадисзвамаано д̣̇ийгхааяуго ход̇и.
Alobho cettha ārogyassa paccayo hoti; aluddho hi lobhanīyampi asappāyaṃ na sevati, tena kho arogo hoti. Adoso yobbanassa; aduṭṭho hi valipalitāvahena dosagginā aḍayhamāno dīgharattaṃ yuvā hoti. Amoho dīghāyukatāya; amūḷho hi hitāhitaṃ ñatvā ahitaṃ parivajjanto hitañca paṭisevamāno dīghāyuko hoti.
алобхо жзд̇т̇а бхог̇асамбад̇д̇ияаа бажжаяо ход̇и, алуд̣̇д̇хасса хи жааг̇зна бхог̇абадилаабхо. ад̣̇осо мид̇д̇асамбад̇д̇ияаа, мзд̇д̇ааяа мид̇д̇аанам̣ бадилаабхад̇о жзва абарихаанад̇о жа. амохо ад̇д̇асамбад̇д̇ияаа , амуул̣хо хи ад̇д̇ано хид̇амзва гаронд̇о ад̇д̇аанам̣ самбаад̣̇зд̇и . алобхо жа д̣̇иб̣б̣авихаарасса бажжаяо ход̇и, ад̣̇осо б̣рахмавихаарасса, амохо арияавихаарасса.
Alobho cettha bhogasampattiyā paccayo hoti, aluddhassa hi cāgena bhogapaṭilābho. Adoso mittasampattiyā, mettāya mittānaṃ paṭilābhato ceva aparihānato ca. Amoho attasampattiyā , amūḷho hi attano hitameva karonto attānaṃ sampādeti . Alobho ca dibbavihārassa paccayo hoti, adoso brahmavihārassa, amoho ariyavihārassa.
алобхзна жзд̇т̇а сагабагкзсу сад̇д̇асан̇каарзсу ниб̣б̣уд̇о ход̇и, д̇зсам̣ винаасзна абхисан̇г̇ахзд̇угасса д̣̇угкасса абхааваа; ад̣̇осзна барабагкзсу, ад̣̇удтасса хи взрийсуби взрисан̃н̃ааяа абхаавад̇о; амохзна уд̣̇аасийнабагкзсу, амуул̣хасса саб̣б̣аабхисан̇г̇ад̇ааяа абхаавад̇о.
Alobhena cettha sakapakkhesu sattasaṅkhāresu nibbuto hoti, tesaṃ vināsena abhisaṅgahetukassa dukkhassa abhāvā; adosena parapakkhesu, aduṭṭhassa hi verīsupi verisaññāya abhāvato; amohena udāsīnapakkhesu, amūḷhassa sabbābhisaṅgatāya abhāvato.
алобхзна жа анижжад̣̇ассанам̣ ход̇и; луд̣̇д̇хо хи убабхог̇аасааяа анижжзби сан̇каарз анижжад̇о на бассад̇и. ад̣̇осзна д̣̇угкад̣̇ассанам̣; ад̣̇осаж̇жхаасаяо хи барижжад̇д̇ааагхаад̇авад̇т̇убариг̇г̇ахо сан̇каарзязва д̣̇угкад̇о бассад̇и. амохзна анад̇д̇ад̣̇ассанам̣; амуул̣хо хи яаат̇ааваг̇ахан̣агусало абарин̣ааяагам̣ канд̇хабан̃жагам̣ абарин̣ааяагад̇о б̣уж̇жхад̇и. яат̇аа жа зд̇зхи анижжад̣̇ассанаад̣̇ийни звамзд̇зби анижжад̣̇ассанаад̣̇ийхи хонд̇и. анижжад̣̇ассанзна хи алобхо ход̇и, д̣̇угкад̣̇ассанзна ад̣̇осо, анад̇д̇ад̣̇ассанзна амохо ход̇и. го хи наама ‘анижжамид̣̇а’нд̇и саммаа н̃ад̇ваа д̇ассад̇т̇ааяа бихам̣ уббаад̣̇зяяа, сан̇каарз ваа ‘д̣̇угка’нд̇и ж̇аананд̇о абарамби ажжанд̇ад̇икин̣ам̣ год̇хад̣̇угкам̣ уббаад̣̇зяяа, ад̇д̇асун̃н̃ад̇ан̃жа б̣уж̇жхид̇ваа буна саммохамаабаж̇ж̇зяяаад̇и?
Alobhena ca aniccadassanaṃ hoti; luddho hi upabhogāsāya aniccepi saṅkhāre aniccato na passati. Adosena dukkhadassanaṃ; adosajjhāsayo hi pariccattaāghātavatthupariggaho saṅkhāreyeva dukkhato passati. Amohena anattadassanaṃ; amūḷho hi yāthāvagahaṇakusalo apariṇāyakaṃ khandhapañcakaṃ apariṇāyakato bujjhati. Yathā ca etehi aniccadassanādīni evametepi aniccadassanādīhi honti. Aniccadassanena hi alobho hoti, dukkhadassanena adoso, anattadassanena amoho hoti. Ko hi nāma ‘aniccamida’nti sammā ñatvā tassatthāya pihaṃ uppādeyya, saṅkhāre vā ‘dukkha’nti jānanto aparampi accantatikhiṇaṃ kodhadukkhaṃ uppādeyya, attasuññatañca bujjhitvā puna sammohamāpajjeyyāti?
