| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೩. ಮೂಲಕಸುತ್ತವಣ್ಣನಾ
3. Mūlakasuttavaṇṇanā
೮೩. ತತಿಯೇ ಸಬ್ಬೇ ಧಮ್ಮಾತಿ ಪಞ್ಚಕ್ಖನ್ಧಾ। ಛನ್ದಮೂಲಕಾತಿ ಅಜ್ಝಾಸಯಚ್ಛನ್ದೋ ಕತ್ತುಕಮ್ಯತಾಛನ್ದೋ ತಂ ಮೂಲಂ ಏತೇಸನ್ತಿ ಛನ್ದಮೂಲಕಾ। ಮನಸಿಕಾರತೋ ಸಮ್ಭವನ್ತೀತಿ ಮನಸಿಕಾರಸಮ್ಭವಾ। ಫಸ್ಸತೋ ಸಮುದೇನ್ತಿ ರಾಸೀ ಭವನ್ತೀತಿ ಫಸ್ಸಸಮುದಯಾ। ವೇದನಾಯ ಸಮೋಸರನ್ತೀತಿ ವೇದನಾಸಮೋಸರಣಾ। ಸಮಾಧಿ ಏತೇಸಂ ಪಮುಖೋತಿ ಸಮಾಧಿಪ್ಪಮುಖಾ। ಜೇಟ್ಠಕಟ್ಠೇನ ಸತಿ ಅಧಿಪತಿ ಏತೇಸನ್ತಿ ಸತಾಧಿಪತೇಯ್ಯಾ, ಸತಿಜೇಟ್ಠಕಾತಿ ಅತ್ಥೋ। ಪಞ್ಞಾ ಉತ್ತರಾ ಏತೇಸನ್ತಿ ಪಞ್ಞುತ್ತರಾ। ವಿಮುತ್ತಿ ಏವ ಸಾರೋ ಏತೇಸನ್ತಿ ವಿಮುತ್ತಿಸಾರಾ। ಏತ್ಥ ಚ ಛನ್ದಮೂಲಕಾದಯೋ ಚತ್ತಾರೋಪಿ ಲೋಕಿಯಾ ಕಥಿತಾ, ಸೇಸಾ ಲೋಕಿಯಲೋಕುತ್ತರಮಿಸ್ಸಕಾತಿ।
83. Tatiye sabbe dhammāti pañcakkhandhā. Chandamūlakāti ajjhāsayacchando kattukamyatāchando taṃ mūlaṃ etesanti chandamūlakā. Manasikārato sambhavantīti manasikārasambhavā. Phassato samudenti rāsī bhavantīti phassasamudayā. Vedanāya samosarantīti vedanāsamosaraṇā. Samādhi etesaṃ pamukhoti samādhippamukhā. Jeṭṭhakaṭṭhena sati adhipati etesanti satādhipateyyā, satijeṭṭhakāti attho. Paññā uttarā etesanti paññuttarā. Vimutti eva sāro etesanti vimuttisārā. Ettha ca chandamūlakādayo cattāropi lokiyā kathitā, sesā lokiyalokuttaramissakāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೩. ಮೂಲಕಸುತ್ತಂ • 3. Mūlakasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸದ್ಧಾಸುತ್ತಾದಿವಣ್ಣನಾ • 1-10. Saddhāsuttādivaṇṇanā
