| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੩. ਮੋਹਨਸਿਕ੍ਖਾਪਦવਣ੍ਣਨਾ
3. Mohanasikkhāpadavaṇṇanā
ਤਸ੍ਮਿਂ ਅਨਾਚਾਰੇਤਿ ਤਸ੍ਮਿਂ ਅਨਾਚਾਰੇ ਆਚਿਣ੍ਣੇ। ਮੋਕ੍ਖੋ ਨਤ੍ਥੀਤਿ ਤਸ੍ਸਾ ਆਪਤ੍ਤਿਯਾ ਮੋਕ੍ਖੋ ਨਤ੍ਥਿ। ਤਸ੍ਸ ਤੇਤਿ ਤਸ੍ਸ ਤવ। ਅਲਾਭਾਤਿ ਯੇ ਅਞ੍ਞੇਸਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਸਾਧੁਕਂ ਅਟ੍ਠਿਂ ਕਤ੍વਾ ਮਨਸਿਕਰਣਸ੍ਸ ਆਨਿਸਂਸਸਞ੍ਞਿਤਾ ਦਿਟ੍ਠਧਮ੍ਮਿਕਸਮ੍ਪਰਾਯਿਕਾ ਚ ਲਾਭਾ ਇਚ੍ਛਿਤਬ੍ਬਾ, ਤੇ ਸਬ੍ਬੇ ਤੁਯ੍ਹਂ ਅਲਾਭਾ ਏવ ਹੋਨ੍ਤਿ। ਦੁਲ੍ਲਦ੍ਧਨ੍ਤਿ ਪੁਞ੍ਞવਿਸੇਸੇਨ ਲਦ੍ਧਮ੍ਪਿ ਮਨੁਸ੍ਸਤ੍ਤਂ ਦੁਲ੍ਲਦ੍ਧਂ। ਸਾਧੁਕਨ੍ਤਿ ਸੁਟ੍ਠੁ। ਅਟ੍ਠਿਂ ਕਤ੍વਾਤਿ ਅਤ੍ਥਿਕਭਾવਂ ਕਤ੍વਾ, ਅਤ੍ਥਿਕੋ ਹੁਤ੍વਾਤਿ વੁਤ੍ਤਂ ਹੋਤਿ। ਞਤ੍ਤਿਦੁਤਿਯੇਨ ਕਮ੍ਮੇਨਾਤਿ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ’’ਤਿਆਦਿਨਾ (ਪਾਚਿ॰ ੪੪੬) ਪਦਭਾਜਨਿਯਂ વੁਤ੍ਤੇਨ ਮੋਹਾਰੋਪਨਕੇਨ ਞਤ੍ਤਿਦੁਤਿਯੇਨ ਕਮ੍ਮੇਨ।
Tasmiṃanācāreti tasmiṃ anācāre āciṇṇe. Mokkho natthīti tassā āpattiyā mokkho natthi. Tassa teti tassa tava. Alābhāti ye aññesaṃ pātimokkhe uddissamāne sādhukaṃ aṭṭhiṃ katvā manasikaraṇassa ānisaṃsasaññitā diṭṭhadhammikasamparāyikā ca lābhā icchitabbā, te sabbe tuyhaṃ alābhā eva honti. Dulladdhanti puññavisesena laddhampi manussattaṃ dulladdhaṃ. Sādhukanti suṭṭhu. Aṭṭhiṃ katvāti atthikabhāvaṃ katvā, atthiko hutvāti vuttaṃ hoti. Ñattidutiyena kammenāti ‘‘suṇātu me, bhante, saṅgho’’tiādinā (pāci. 446) padabhājaniyaṃ vuttena mohāropanakena ñattidutiyena kammena.
ਅਧਮ੍ਮਕਮ੍ਮੇਤਿ ਏਤ੍ਥ ਮੋਹਾਰੋਪਨਕਮ੍ਮਂ ਅਧਿਪ੍ਪੇਤਂ।
Adhammakammeti ettha mohāropanakammaṃ adhippetaṃ.
ਮੋਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Mohanasikkhāpadavaṇṇanā niṭṭhitā.
