| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૧૫. મોઘરાજમાણવપુચ્છા
15. Mogharājamāṇavapucchā
૧૧૨૨.
1122.
‘‘દ્વાહં સક્કં અપુચ્છિસ્સં, (ઇચ્ચાયસ્મા મોઘરાજા)
‘‘Dvāhaṃ sakkaṃ apucchissaṃ, (iccāyasmā mogharājā)
ન મે બ્યાકાસિ ચક્ખુમા;
Na me byākāsi cakkhumā;
યાવતતિયઞ્ચ દેવીસિ, બ્યાકરોતીતિ મે સુતં.
Yāvatatiyañca devīsi, byākarotīti me sutaṃ.
૧૧૨૩.
1123.
‘‘અયં લોકો પરો લોકો, બ્રહ્મલોકો સદેવકો;
‘‘Ayaṃ loko paro loko, brahmaloko sadevako;
દિટ્ઠિં તે નાભિજાનાતિ, ગોતમસ્સ યસસ્સિનો.
Diṭṭhiṃ te nābhijānāti, gotamassa yasassino.
૧૧૨૪.
1124.
‘‘એવં અભિક્કન્તદસ્સાવિં, અત્થિ પઞ્હેન આગમં;
‘‘Evaṃ abhikkantadassāviṃ, atthi pañhena āgamaṃ;
કથં લોકં અવેક્ખન્તં, મચ્ચુરાજા ન પસ્સતિ’’.
Kathaṃ lokaṃ avekkhantaṃ, maccurājā na passati’’.
૧૧૨૫.
1125.
‘‘સુઞ્ઞતો લોકં અવેક્ખસ્સુ, મોઘરાજ સદા સતો;
‘‘Suññato lokaṃ avekkhassu, mogharāja sadā sato;
અત્તાનુદિટ્ઠિં ઊહચ્ચ, એવં મચ્ચુતરો સિયા;
Attānudiṭṭhiṃ ūhacca, evaṃ maccutaro siyā;
એવં લોકં અવેક્ખન્તં, મચ્ચુરાજા ન પસ્સતી’’તિ.
Evaṃ lokaṃ avekkhantaṃ, maccurājā na passatī’’ti.
મોઘરાજમાણવપુચ્છા પન્નરસમા નિટ્ઠિતા.
Mogharājamāṇavapucchā pannarasamā niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૧૫. મોઘરાજસુત્તવણ્ણના • 15. Mogharājasuttavaṇṇanā
