| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. မောဂ္ဂလ္လာနသုတ္တဝဏ္ဏနာ
10. Moggallānasuttavaṇṇanā
၂၁၈. ပစ္စဝေက္ခတီတိ တေသံ အရိယာနံ စိတ္တံ အတ္တနော ဉာဏစက္ခုနာ ပတိ အဝေက္ခတိ ပစ္စဝေက္ခတိ။ ပဗ္ဗတသ္သာတိ ဣသိဂိလိပဗ္ဗတသ္သ။ ဒုက္ခပာရံ ဂတန္တိ ဝဋ္ဋဒုက္ခသ္သ ပာရံ ပရိယန္တံ ဂတံ ။ သဗ္ဗဂုဏသမ္ပန္နန္တိ သဗ္ဗေဟိ ဗုဒ္ဓဂုဏေဟိ စ သာဝကဂုဏေဟိ စ ပရိပုဏ္ဏံ။ အနေကာကာရသမ္ပန္နန္တိ ရူပဃောသလူခဓမ္မပ္ပမာဏိကာနံ သတ္တာနံ တေဟိ တေဟိ အာကာရေဟိ သဗ္ဗေသဉ္စ အနေကေဟိ အနန္တာပရိမေယ္ယေဟိ ပသီဒိတဗ္ဗာကာရေဟိ သမန္နာဂတံ။ တေ ပန အာကာရာ ယသ္မာ အနညသာဓာရဏာ ဗုဒ္ဓဂုဏာ ဧဝ, တသ္မာ အာဟ ‘‘အနေကေဟိ ဂုဏေဟိ သမန္နာဂတ’’န္တိ။
218.Paccavekkhatīti tesaṃ ariyānaṃ cittaṃ attano ñāṇacakkhunā pati avekkhati paccavekkhati. Pabbatassāti isigilipabbatassa. Dukkhapāraṃ gatanti vaṭṭadukkhassa pāraṃ pariyantaṃ gataṃ . Sabbaguṇasampannanti sabbehi buddhaguṇehi ca sāvakaguṇehi ca paripuṇṇaṃ. Anekākārasampannanti rūpaghosalūkhadhammappamāṇikānaṃ sattānaṃ tehi tehi ākārehi sabbesañca anekehi anantāparimeyyehi pasīditabbākārehi samannāgataṃ. Te pana ākārā yasmā anaññasādhāraṇā buddhaguṇā eva, tasmā āha ‘‘anekehi guṇehi samannāgata’’nti.
မောဂ္ဂလ္လာနသုတ္တဝဏ္ဏနာ နိဋ္ဌိတာ။
Moggallānasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. မောဂ္ဂလ္လာနသုတ္တံ • 10. Moggallānasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. မောဂ္ဂလ္လာနသုတ္တဝဏ္ဏနာ • 10. Moggallānasuttavaṇṇanā
