| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. མིཏྟསུཏྟཝཎྞནཱ
3. Mittasuttavaṇṇanā
༥༣. སཧ ཨཏྠེན ཝཏྟཏཱིཏི སཏྠོ, བྷཎྜམཱུལཾ གཧེཏྭཱ ཝཱཎིཛྫཝསེན དེསནྟརཱདཱིསུ ཝིཙརཎཀཛནསམཱུཧོ། ཏེནཱཧ ‘‘སདྡྷིཾཙརོ’’ཏི, སཧཙརཎཀོཏི ཨཏྠོ། མིཏྟནྟི སིནེཧཡོགེན མིཏྟཀིཙྩཡུཏྟཾ ། ཨིདྷཱདྷིཔྤེཏཔྤཀཱརཾ དསྶེཏུཾ ‘‘རོགེ ཨུཔྤནྣེ’’ཏིཨཱདི ཝུཏྟཾ། ཏཐཱརཱུཔེཏི ཛིགུཙྪནཱིཡེ, དུཏྟིཀིཙྪེ ཝཱ། ཡཐཱ ཨསཎྛིཏཱནཾ སཎྛཱཔནཝསེན པཝསཏོ པུརིསསྶ བྷོགབྱསནེ ནཱཐཏཱ, ཨེཝཾ པུཏྟསིནེཧཝསེན པུཏྟསྶ མཱཏུཡཱ ཨནྟོགེཧེ ནཱཐཏཱཏི ཝུཏྟཾ ‘‘མཱཏཱ མིཏྟཾ སཀེ གྷརེ’’ཏི། ཨཏྠཛཱཏསྶཱཏི ཨུཔཊྛིཏཔཡོཛནསྶཱཏི ཨཏྠོཏི ཨཱཧ ‘‘ཨུཔྤནྣཀིཙྩསྶཱ’’ཏི། སམྤརཱཡཧིཏནྟི སམྤརཱཡེ ཧིཏཱཝཧཾ།
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
མིཏྟསུཏྟཝཎྞནཱ ནིཊྛིཏཱ།
Mittasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. མིཏྟསུཏྟཾ • 3. Mittasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. མིཏྟསུཏྟཝཎྞནཱ • 3. Mittasuttavaṇṇanā
