| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. មិត្តសុត្តវណ្ណនា
3. Mittasuttavaṇṇanā
៥៣. សហ អត្ថេន វត្តតីតិ សត្ថោ, ភណ្ឌមូលំ គហេត្វា វាណិជ្ជវសេន ទេសន្តរាទីសុ វិចរណកជនសមូហោ។ តេនាហ ‘‘សទ្ធិំចរោ’’តិ, សហចរណកោតិ អត្ថោ។ មិត្តន្តិ សិនេហយោគេន មិត្តកិច្ចយុត្តំ ។ ឥធាធិប្បេតប្បការំ ទស្សេតុំ ‘‘រោគេ ឧប្បន្នេ’’តិអាទិ វុត្តំ។ តថារូបេតិ ជិគុច្ឆនីយេ, ទុត្តិកិច្ឆេ វា។ យថា អសណ្ឋិតានំ សណ្ឋាបនវសេន បវសតោ បុរិសស្ស ភោគព្យសនេ នាថតា, ឯវំ បុត្តសិនេហវសេន បុត្តស្ស មាតុយា អន្តោគេហេ នាថតាតិ វុត្តំ ‘‘មាតា មិត្តំ សកេ ឃរេ’’តិ។ អត្ថជាតស្សាតិ ឧបដ្ឋិតបយោជនស្សាតិ អត្ថោតិ អាហ ‘‘ឧប្បន្នកិច្ចស្សា’’តិ។ សម្បរាយហិតន្តិ សម្បរាយេ ហិតាវហំ។
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
មិត្តសុត្តវណ្ណនា និដ្ឋិតា។
Mittasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. មិត្តសុត្តំ • 3. Mittasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. មិត្តសុត្តវណ្ណនា • 3. Mittasuttavaṇṇanā
