| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. มิตฺตสุตฺตวณฺณนา
3. Mittasuttavaṇṇanā
๕๓. สห อเตฺถน วตฺตตีติ สโตฺถ, ภณฺฑมูลํ คเหตฺวา วาณิชฺชวเสน เทสนฺตราทีสุ วิจรณกชนสมูโหฯ เตนาห ‘‘สทฺธิํจโร’’ติ, สหจรณโกติ อโตฺถฯ มิตฺตนฺติ สิเนหโยเคน มิตฺตกิจฺจยุตฺตํ ฯ อิธาธิเปฺปตปฺปการํ ทเสฺสตุํ ‘‘โรเค อุปฺปเนฺน’’ติอาทิ วุตฺตํฯ ตถารูเปติ ชิคุจฺฉนีเย, ทุตฺติกิเจฺฉ วาฯ ยถา อสณฺฐิตานํ สณฺฐาปนวเสน ปวสโต ปุริสสฺส โภคพฺยสเน นาถตา, เอวํ ปุตฺตสิเนหวเสน ปุตฺตสฺส มาตุยา อโนฺตเคเห นาถตาติ วุตฺตํ ‘‘มาตา มิตฺตํ สเก ฆเร’’ติฯ อตฺถชาตสฺสาติ อุปฎฺฐิตปโยชนสฺสาติ อโตฺถติ อาห ‘‘อุปฺปนฺนกิจฺจสฺสา’’ติฯ สมฺปรายหิตนฺติ สมฺปราเย หิตาวหํฯ
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
มิตฺตสุตฺตวณฺณนา นิฎฺฐิตาฯ
Mittasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. มิตฺตสุตฺตํ • 3. Mittasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. มิตฺตสุตฺตวณฺณนา • 3. Mittasuttavaṇṇanā
