| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. મિત્તસુત્તવણ્ણના
3. Mittasuttavaṇṇanā
૫૩. સહ અત્થેન વત્તતીતિ સત્થો, ભણ્ડમૂલં ગહેત્વા વાણિજ્જવસેન દેસન્તરાદીસુ વિચરણકજનસમૂહો. તેનાહ ‘‘સદ્ધિંચરો’’તિ, સહચરણકોતિ અત્થો. મિત્તન્તિ સિનેહયોગેન મિત્તકિચ્ચયુત્તં . ઇધાધિપ્પેતપ્પકારં દસ્સેતું ‘‘રોગે ઉપ્પન્ને’’તિઆદિ વુત્તં. તથારૂપેતિ જિગુચ્છનીયે, દુત્તિકિચ્છે વા. યથા અસણ્ઠિતાનં સણ્ઠાપનવસેન પવસતો પુરિસસ્સ ભોગબ્યસને નાથતા, એવં પુત્તસિનેહવસેન પુત્તસ્સ માતુયા અન્તોગેહે નાથતાતિ વુત્તં ‘‘માતા મિત્તં સકે ઘરે’’તિ. અત્થજાતસ્સાતિ ઉપટ્ઠિતપયોજનસ્સાતિ અત્થોતિ આહ ‘‘ઉપ્પન્નકિચ્ચસ્સા’’તિ. સમ્પરાયહિતન્તિ સમ્પરાયે હિતાવહં.
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
મિત્તસુત્તવણ્ણના નિટ્ઠિતા.
Mittasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. મિત્તસુત્તં • 3. Mittasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૩. મિત્તસુત્તવણ્ણના • 3. Mittasuttavaṇṇanā
