| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. মিত্তসুত্তৰণ্ণনা
3. Mittasuttavaṇṇanā
৫৩. সহ অত্থেন ৰত্ততীতি সত্থো, ভণ্ডমূলং গহেত্ৰা ৰাণিজ্জৰসেন দেসন্তরাদীসু ৰিচরণকজনসমূহো। তেনাহ ‘‘সদ্ধিংচরো’’তি, সহচরণকোতি অত্থো। মিত্তন্তি সিনেহযোগেন মিত্তকিচ্চযুত্তং । ইধাধিপ্পেতপ্পকারং দস্সেতুং ‘‘রোগে উপ্পন্নে’’তিআদি ৰুত্তং। তথারূপেতি জিগুচ্ছনীযে, দুত্তিকিচ্ছে ৰা। যথা অসণ্ঠিতানং সণ্ঠাপনৰসেন পৰসতো পুরিসস্স ভোগব্যসনে নাথতা, এৰং পুত্তসিনেহৰসেন পুত্তস্স মাতুযা অন্তোগেহে নাথতাতি ৰুত্তং ‘‘মাতা মিত্তং সকে ঘরে’’তি। অত্থজাতস্সাতি উপট্ঠিতপযোজনস্সাতি অত্থোতি আহ ‘‘উপ্পন্নকিচ্চস্সা’’তি। সম্পরাযহিতন্তি সম্পরাযে হিতাৰহং।
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
মিত্তসুত্তৰণ্ণনা নিট্ঠিতা।
Mittasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. মিত্তসুত্তং • 3. Mittasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. মিত্তসুত্তৰণ্ণনা • 3. Mittasuttavaṇṇanā
