| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. མིཏྟསུཏྟཾ
6. Mittasuttaṃ
༡༠༩༦. ‘‘ཡེ ཧི ཀེཙི, བྷིཀྑཝེ, ཨནུཀམྤེཡྻཱཐ, ཡེ ཙ སོཏབྦཾ མཉྙེཡྻུཾ – མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཏེ ཝོ, བྷིཀྑཝེ, ཙཏུནྣཾ ཨརིཡསཙྩཱནཾ ཡཐཱབྷཱུཏཾ ཨབྷིསམཡཱཡ སམཱདཔེཏབྦཱ ནིཝེསེཏབྦཱ པཏིཊྛཱཔེཏབྦཱ།
1096. ‘‘Ye hi keci, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te vo, bhikkhave, catunnaṃ ariyasaccānaṃ yathābhūtaṃ abhisamayāya samādapetabbā nivesetabbā patiṭṭhāpetabbā.
‘‘ཀཏམེསཾ ཙཏུནྣཾ? དུཀྑསྶ ཨརིཡསཙྩསྶ, དུཀྑསམུདཡསྶ ཨརིཡསཙྩསྶ, དུཀྑནིརོདྷསྶ ཨརིཡསཙྩསྶ, དུཀྑནིརོདྷགཱམིནིཡཱ པཊིཔདཱཡ ཨརིཡསཙྩསྶ། ཡེ ཧི ཀེཙི, བྷིཀྑཝེ, ཨནུཀམྤེཡྻཱཐ, ཡེ ཙ སོཏབྦཾ མཉྙེཡྻུཾ – མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ ཏེ ཝོ, བྷིཀྑཝེ, ཨིམེསཾ ཙཏུནྣཾ ཨརིཡསཙྩཱནཾ ཡཐཱབྷཱུཏཾ ཨབྷིསམཡཱཡ སམཱདཔེཏབྦཱ ནིཝེསེཏབྦཱ པཏིཊྛཱཔེཏབྦཱ།
‘‘Katamesaṃ catunnaṃ? Dukkhassa ariyasaccassa, dukkhasamudayassa ariyasaccassa, dukkhanirodhassa ariyasaccassa, dukkhanirodhagāminiyā paṭipadāya ariyasaccassa. Ye hi keci, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā te vo, bhikkhave, imesaṃ catunnaṃ ariyasaccānaṃ yathābhūtaṃ abhisamayāya samādapetabbā nivesetabbā patiṭṭhāpetabbā.
‘‘ཏསྨཱཏིཧ, བྷིཀྑཝེ, ‘ཨིདཾ དུཀྑ’ནྟི ཡོགོ ཀརཎཱིཡོ…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡོགོ ཀརཎཱིཡོ’’ཏི། ཚཊྛཾ།
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
