| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[197] 7. мид̇д̇аамид̇д̇аж̇аад̇агаван̣н̣анаа
[197] 7. Mittāmittajātakavaṇṇanā
на нам̣ умхаяад̇з д̣̇исваад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. ан̃н̃ад̇аро бхигку ‘‘маяаа г̇ахид̇з маяхам̣ убаж̇жхааяо на гуж̇жхиссад̇ий’’д̇и убаж̇жхааязна табид̇ам̣ виссаасзна згам̣ вад̇т̇акан̣д̣ам̣ г̇ахзд̇ваа убааханад̇т̇авигам̣ гад̇ваа бажчаа убаж̇жхааяам̣ аабужчи. ат̇а д̇ам̣ убаж̇жхааяо ‘‘гим̣гааран̣аа г̇ан̣хий’’д̇и вад̇ваа ‘‘маяаа г̇ахид̇з на гуж̇жхиссад̇ийд̇и д̇умхаагам̣ виссаасзнаа’’д̇и вуд̇д̇з ‘‘го маяаа сад̣̇д̇хим̣ д̇уяхам̣ виссаасо наамаа’’д̇и вад̇ваа гуд̣̇д̇хо удтахид̇ваа бахари. д̇асса саа гирияаа бхигкуусу баагадаа ж̇аад̇аа. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, асуго гира д̣̇ахаро убаж̇жхааяасса виссаасзна вад̇т̇акан̣д̣ам̣ г̇ахзд̇ваа убааханад̇т̇авигам̣ агааси. ат̇а нам̣ убаж̇жхааяо ‘го маяаа сад̣̇д̇хим̣ д̇уяхам̣ виссаасо наамаа’д̇и вад̇ваа гуд̣̇д̇хо удтахид̇ваа бахарий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзвзса бхигку ад̇д̇ано сад̣̇д̇хивихааригзна сад̣̇д̇хим̣ ависсаасиго, буб̣б̣зби ависсаасигоязваа’’д̇и вад̇ваа ад̇ийд̇ам̣ аахари.
Na naṃ umhayate disvāti idaṃ satthā jetavane viharanto aññataraṃ bhikkhuṃ ārabbha kathesi. Aññataro bhikkhu ‘‘mayā gahite mayhaṃ upajjhāyo na kujjhissatī’’ti upajjhāyena ṭhapitaṃ vissāsena ekaṃ vatthakhaṇḍaṃ gahetvā upāhanatthavikaṃ katvā pacchā upajjhāyaṃ āpucchi. Atha taṃ upajjhāyo ‘‘kiṃkāraṇā gaṇhī’’ti vatvā ‘‘mayā gahite na kujjhissatīti tumhākaṃ vissāsenā’’ti vutte ‘‘ko mayā saddhiṃ tuyhaṃ vissāso nāmā’’ti vatvā kuddho uṭṭhahitvā pahari. Tassa sā kiriyā bhikkhūsu pākaṭā jātā. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, asuko kira daharo upajjhāyassa vissāsena vatthakhaṇḍaṃ gahetvā upāhanatthavikaṃ akāsi. Atha naṃ upajjhāyo ‘ko mayā saddhiṃ tuyhaṃ vissāso nāmā’ti vatvā kuddho uṭṭhahitvā paharī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idānevesa bhikkhu attano saddhivihārikena saddhiṃ avissāsiko, pubbepi avissāsikoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа г̇ан̣асад̇т̇аа худ̇ваа химаванд̇абад̣̇зсз ваасам̣ габбзси. д̇асмим̣ исиг̇ан̣з зго д̇аабасо б̣од̇хисад̇д̇асса важанам̣ агад̇ваа згам̣ мад̇амаад̇игам̣ хад̇т̇ибод̇агам̣ бадиж̇аг̇г̇и. ат̇а нам̣ со вуд̣̇д̇хиббад̇д̇о маарзд̇ваа аран̃н̃ам̣ баависи. д̇асса сарийрагижжам̣ гад̇ваа исиг̇ан̣о б̣од̇хисад̇д̇ам̣ бариваарзд̇ваа – ‘‘бханд̇з, гзна ну го гааран̣зна мид̇д̇абхааво ваа амид̇д̇абхааво ваа саггаа ж̇аанид̇у’’нд̇и бужчи. б̣од̇хисад̇д̇о ‘‘иминаа жа иминаа жа гааран̣знаа’’д̇и аажигканд̇о имаа г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto isipabbajjaṃ pabbajitvā abhiññā ca samāpattiyo ca nibbattetvā gaṇasatthā hutvā himavantapadese vāsaṃ kappesi. Tasmiṃ isigaṇe eko tāpaso bodhisattassa vacanaṃ akatvā ekaṃ matamātikaṃ hatthipotakaṃ paṭijaggi. Atha naṃ so vuddhippatto māretvā araññaṃ pāvisi. Tassa sarīrakiccaṃ katvā isigaṇo bodhisattaṃ parivāretvā – ‘‘bhante, kena nu ko kāraṇena mittabhāvo vā amittabhāvo vā sakkā jānitu’’nti pucchi. Bodhisatto ‘‘iminā ca iminā ca kāraṇenā’’ti ācikkhanto imā gāthā avoca –
93.
93.
‘‘на нам̣ умхаяад̇з д̣̇исваа, на жа нам̣ бадинанд̣̇ад̇и;
‘‘Na naṃ umhayate disvā, na ca naṃ paṭinandati;
жагкууни жасса на д̣̇ад̣̇аад̇и, бадиломан̃жа вад̇д̇ад̇и.
Cakkhūni cassa na dadāti, paṭilomañca vattati.
94.
94.
‘‘зд̇з бхаванд̇и аагаараа, амид̇д̇асмим̣ бад̇идтид̇аа;
‘‘Ete bhavanti ākārā, amittasmiṃ patiṭṭhitā;
язхи амид̇д̇ам̣ ж̇аанзяяа, д̣̇исваа суд̇ваа жа бан̣д̣ид̇о’’д̇и.
Yehi amittaṃ jāneyya, disvā sutvā ca paṇḍito’’ti.
д̇ад̇т̇а на нам̣ умхаяад̇з д̣̇исваад̇и яо хи яасса амид̇д̇о ход̇и, со д̇ам̣ буг̇г̇алам̣ д̣̇исваа на умхаяад̇з, хасид̇ам̣ на гарод̇и, бахадтаагаарам̣ на д̣̇ассзд̇и. на жа нам̣ бадинанд̣̇ад̇ийд̇и д̇асса важанам̣ суд̇вааби д̇ам̣ буг̇г̇алам̣ на бадинанд̣̇ад̇и, саад̇ху субхаасид̇анд̇и на жаанумод̣̇ад̇и. жагкууни жасса на д̣̇ад̣̇аад̇ийд̇и жагкунаа жагкум̣ аахажжа бадимуко худ̇ваа на ологзд̇и, ан̃н̃ад̇о жагкууни харад̇и. бадиломан̃жа вад̇д̇ад̇ийд̇и д̇асса гааяагаммамби важийгаммамби на рожзд̇и, бадиломаг̇аахам̣ г̇ан̣хаад̇и бажжанийгаг̇аахам̣. аагаараад̇и гааран̣аани. язхи амид̇д̇анд̇и язхи гааран̣зхи д̇аани гааран̣аани д̣̇исваа суд̇ваа жа бан̣д̣ид̇о буг̇г̇ало ‘‘аяам̣ мз амид̇д̇о’’д̇и ж̇аанзяяа, д̇ад̇о вибарийд̇зхи бана мид̇д̇абхааво ж̇аанид̇аб̣б̣од̇и.
Tattha na naṃ umhayate disvāti yo hi yassa amitto hoti, so taṃ puggalaṃ disvā na umhayate, hasitaṃ na karoti, pahaṭṭhākāraṃ na dasseti. Naca naṃ paṭinandatīti tassa vacanaṃ sutvāpi taṃ puggalaṃ na paṭinandati, sādhu subhāsitanti na cānumodati. Cakkhūni cassa na dadātīti cakkhunā cakkhuṃ āhacca paṭimukho hutvā na oloketi, aññato cakkhūni harati. Paṭilomañca vattatīti tassa kāyakammampi vacīkammampi na roceti, paṭilomagāhaṃ gaṇhāti paccanīkagāhaṃ. Ākārāti kāraṇāni. Yehi amittanti yehi kāraṇehi tāni kāraṇāni disvā sutvā ca paṇḍito puggalo ‘‘ayaṃ me amitto’’ti jāneyya, tato viparītehi pana mittabhāvo jānitabboti.
звам̣ б̣од̇хисад̇д̇о мид̇д̇аамид̇д̇абхаавагааран̣аани аажигкид̇ваа б̣рахмавихаарз бхаавзд̇ваа б̣рахмалогуубаг̇о ахоси.
Evaṃ bodhisatto mittāmittabhāvakāraṇāni ācikkhitvā brahmavihāre bhāvetvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа хад̇т̇ибосагад̇аабасо сад̣̇д̇хивихаариго ахоси, хад̇т̇ий убаж̇жхааяо, исиг̇ан̣о б̣уд̣̇д̇хабарисаа, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā hatthiposakatāpaso saddhivihāriko ahosi, hatthī upajjhāyo, isigaṇo buddhaparisā, gaṇasatthā pana ahameva ahosi’’nti.
мид̇д̇аамид̇д̇аж̇аад̇агаван̣н̣анаа сад̇д̇амаа.
Mittāmittajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 197. мид̇д̇аамид̇д̇аж̇аад̇агам̣ • 197. Mittāmittajātakaṃ
