| Library / Tipiṭaka / तिपिटक • Tipiṭaka / थेरीगाथापाळि • Therīgāthāpāḷi |
६. मित्ताकाळीथेरीगाथा
6. Mittākāḷītherīgāthā
९२.
92.
‘‘सद्धाय पब्बजित्वान, अगारस्मानगारियं।
‘‘Saddhāya pabbajitvāna, agārasmānagāriyaṃ;
विचरिंहं तेन तेन, लाभसक्कारउस्सुका॥
Vicariṃhaṃ tena tena, lābhasakkāraussukā.
९३.
93.
‘‘रिञ्चित्वा परमं अत्थं, हीनमत्थं असेविहं।
‘‘Riñcitvā paramaṃ atthaṃ, hīnamatthaṃ asevihaṃ;
किलेसानं वसं गन्त्वा, सामञ्ञत्थं न बुज्झिहं॥
Kilesānaṃ vasaṃ gantvā, sāmaññatthaṃ na bujjhihaṃ.
९४.
94.
‘‘तस्सा मे अहु संवेगो, निसिन्नाय विहारके।
‘‘Tassā me ahu saṃvego, nisinnāya vihārake;
उम्मग्गपटिपन्नाम्हि, तण्हाय वसमागता॥
Ummaggapaṭipannāmhi, taṇhāya vasamāgatā.
९५.
95.
‘‘अप्पकं जीवितं मय्हं, जरा ब्याधि च मद्दति।
‘‘Appakaṃ jīvitaṃ mayhaṃ, jarā byādhi ca maddati;
९६.
96.
‘‘यथाभूतमवेक्खन्ती, खन्धानं उदयब्बयं।
‘‘Yathābhūtamavekkhantī, khandhānaṃ udayabbayaṃ;
विमुत्तचित्ता उट्ठासिं, कतं बुद्धस्स सासन’’न्त्न्त्ति॥
Vimuttacittā uṭṭhāsiṃ, kataṃ buddhassa sāsana’’ntntti.
… मित्ता काळी थेरी…।
… Mittā kāḷī therī….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरीगाथा-अट्ठकथा • Therīgāthā-aṭṭhakathā / ६. मित्ताकाळीथेरीगाथावण्णना • 6. Mittākāḷītherīgāthāvaṇṇanā
