| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. มิญฺชวฎํสกิยเตฺถรอปทานํ
8. Miñjavaṭaṃsakiyattheraapadānaṃ
๓๙.
39.
‘‘นิพฺพุเต โลกนาถมฺหิ, สิขิมฺหิ วทตํ วเร;
‘‘Nibbute lokanāthamhi, sikhimhi vadataṃ vare;
วฎํสเกหิ อากิณฺณํ, โพธิปูชํ อกาสหํฯ
Vaṭaṃsakehi ākiṇṇaṃ, bodhipūjaṃ akāsahaṃ.
๔๐.
40.
‘‘เอกตฺติํเส อิโต กเปฺป, ยํ ปูชมกริํ ตทา;
‘‘Ekattiṃse ito kappe, yaṃ pūjamakariṃ tadā;
ทุคฺคติํ นาภิชานามิ, โพธิปูชายิทํ ผลํฯ
Duggatiṃ nābhijānāmi, bodhipūjāyidaṃ phalaṃ.
๔๑.
41.
‘‘อิโต ฉพฺพีสติกเปฺป, อหุํ เมฆพฺภนามโก;
‘‘Ito chabbīsatikappe, ahuṃ meghabbhanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔๒.
42.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มิญฺชวฎํสกิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā miñjavaṭaṃsakiyo thero imā gāthāyo abhāsitthāti.
มิญฺชวฎํสกิยเตฺถรสฺสาปทานํ อฎฺฐมํฯ
Miñjavaṭaṃsakiyattherassāpadānaṃ aṭṭhamaṃ.
