| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. मिञ्जवटंसकियत्थेरअपदानं
8. Miñjavaṭaṃsakiyattheraapadānaṃ
३९.
39.
‘‘निब्बुते लोकनाथम्हि, सिखिम्हि वदतं वरे।
‘‘Nibbute lokanāthamhi, sikhimhi vadataṃ vare;
वटंसकेहि आकिण्णं, बोधिपूजं अकासहं॥
Vaṭaṃsakehi ākiṇṇaṃ, bodhipūjaṃ akāsahaṃ.
४०.
40.
‘‘एकत्तिंसे इतो कप्पे, यं पूजमकरिं तदा।
‘‘Ekattiṃse ito kappe, yaṃ pūjamakariṃ tadā;
दुग्गतिं नाभिजानामि, बोधिपूजायिदं फलं॥
Duggatiṃ nābhijānāmi, bodhipūjāyidaṃ phalaṃ.
४१.
41.
‘‘इतो छब्बीसतिकप्पे, अहुं मेघब्भनामको।
‘‘Ito chabbīsatikappe, ahuṃ meghabbhanāmako;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४२.
42.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मिञ्जवटंसकियो थेरो इमा गाथायो अभासित्थाति।
Itthaṃ sudaṃ āyasmā miñjavaṭaṃsakiyo thero imā gāthāyo abhāsitthāti.
मिञ्जवटंसकियत्थेरस्सापदानं अट्ठमं।
Miñjavaṭaṃsakiyattherassāpadānaṃ aṭṭhamaṃ.
