| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. မီဠ္ဟကသုတ္တဝဏ္ဏနာ
5. Mīḷhakasuttavaṇṇanā
၁၆၁. ပဉ္စမေ မီဠ္ဟကာတိ ဂူထပာဏကာ။ ဂူထာဒီတိ ဂူထဘက္ခာ။ ဂူထပူရာတိ အန္တော ဂူထေန ဘရိတာ။ ပုဏ္ဏာ ဂူထသ္သာတိ ဣဒံ ပုရိမသ္သေဝ အတ္ထဒီပနံ။ အတိမညေယ္ယာတိ ပစ္ဆိမပာဒေ ဘူမိယံ ဌပေတ္ဝာ ပုရိမပာဒေ ဂူထသ္သ ဥပရိ အာရောပေတ္ဝာ ဌိတာ ‘‘အဟမ္ဟိ ဂူထာဒီ’’တိ ဘဏန္တီ အတိမညေယ္ယ။ ပိဏ္ဍပာတော စသ္သ ပူရောတိ အပရောပိသ္သ ပတ္တပူရော ပဏီတပိဏ္ဍပာတော ဘဝေယ္ယ။ ပဉ္စမံ။
161. Pañcame mīḷhakāti gūthapāṇakā. Gūthādīti gūthabhakkhā. Gūthapūrāti anto gūthena bharitā. Puṇṇā gūthassāti idaṃ purimasseva atthadīpanaṃ. Atimaññeyyāti pacchimapāde bhūmiyaṃ ṭhapetvā purimapāde gūthassa upari āropetvā ṭhitā ‘‘ahamhi gūthādī’’ti bhaṇantī atimaññeyya. Piṇḍapāto cassa pūroti aparopissa pattapūro paṇītapiṇḍapāto bhaveyya. Pañcamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. မီဠ္ဟကသုတ္တံ • 5. Mīḷhakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. မီဠ္ဟကသုတ္တဝဏ္ဏနာ • 5. Mīḷhakasuttavaṇṇanā
