| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๗๒. มิคโปตกชาตกํ (๕-๓-๒)
372. Migapotakajātakaṃ (5-3-2)
๑๑๖.
116.
อคารา ปจฺจุเปตสฺส, อนคารสฺส เต สโต;
Agārā paccupetassa, anagārassa te sato;
สมณสฺส น ตํ สาธุ, ยํ เปตมนุโสจสิฯ
Samaṇassa na taṃ sādhu, yaṃ petamanusocasi.
๑๑๗.
117.
สํวาเสน หเว สกฺก, มนุสฺสสฺส มิคสฺส วา;
Saṃvāsena have sakka, manussassa migassa vā;
หทเย ชายเต เปมํ, น ตํ สกฺกา อโสจิตุํฯ
Hadaye jāyate pemaṃ, na taṃ sakkā asocituṃ.
๑๑๘.
118.
มตํ มริสฺสํ โรทนฺติ, เย รุทนฺติ ลปนฺติ จ;
Mataṃ marissaṃ rodanti, ye rudanti lapanti ca;
ตสฺมา ตฺวํ อิสิ มา โรทิ, โรทิตํ โมฆมาหุ สโนฺตฯ
Tasmā tvaṃ isi mā rodi, roditaṃ moghamāhu santo.
๑๑๙.
119.
โรทิเตน หเว พฺรเหฺม, มโต เปโต สมุฎฺฐเห;
Roditena have brahme, mato peto samuṭṭhahe;
สเพฺพ สงฺคมฺม โรทาม, อญฺญมญฺญสฺส ญาตเกฯ
Sabbe saṅgamma rodāma, aññamaññassa ñātake.
๑๒๐.
120.
อาทิตฺตํ วต มํ สนฺตํ, ฆตสิตฺตํว ปาวกํ;
Ādittaṃ vata maṃ santaṃ, ghatasittaṃva pāvakaṃ;
วารินา วิย โอสิญฺจํ, สพฺพํ นิพฺพาปเย ทรํฯ
Vārinā viya osiñcaṃ, sabbaṃ nibbāpaye daraṃ.
๑๒๑.
121.
อพฺพหิ วต เม สลฺลํ, ยมาสิ หทยสฺสิตํ;
Abbahi vata me sallaṃ, yamāsi hadayassitaṃ;
โย เม โสกปเรตสฺส, ปุตฺตโสกํ อปานุทิฯ
Yo me sokaparetassa, puttasokaṃ apānudi.
๑๒๒.
122.
โสหํ อพฺพูฬฺหสโลฺลสฺมิ, วีตโสโก อนาวิโล;
Sohaṃ abbūḷhasallosmi, vītasoko anāvilo;
น โสจามิ น โรทามิ, ตว สุตฺวาน วาสวาติฯ
Na socāmi na rodāmi, tava sutvāna vāsavāti.
มิคโปตกชาตกํ ทุติยํฯ
Migapotakajātakaṃ dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๗๒] ๒. มิคโปตกชาตกวณฺณนา • [372] 2. Migapotakajātakavaṇṇanā
