| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೭. ಮಿಗಙ್ಗಪಞ್ಹೋ
7. Migaṅgapañho
೭. ‘‘ಭನ್ತೇ ನಾಗಸೇನ, ‘ಮಿಗಸ್ಸ ತೀಣಿ ಅಙ್ಗಾನಿ ಗಹೇತಬ್ಬಾನೀ’ತಿ ಯಂ ವದೇಸಿ, ಕತಮಾನಿ ತಾನಿ ತೀಣಿ ಅಙ್ಗಾನಿ ಗಹೇತಬ್ಬಾನೀ’’ತಿ? ‘‘ಯಥಾ, ಮಹಾರಾಜ, ಮಿಗೋ ದಿವಾ ಅರಞ್ಞೇ ಚರತಿ, ರತ್ತಿಂ ಅಬ್ಭೋಕಾಸೇ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ದಿವಾ ಅರಞ್ಞೇ ವಿಹರಿತಬ್ಬಂ, ರತ್ತಿಂ ಅಬ್ಭೋಕಾಸೇ। ಇದಂ, ಮಹಾರಾಜ, ಮಿಗಸ್ಸ ಪಠಮಂ ಅಙ್ಗಂ ಗಹೇತಬ್ಬಂ।
7. ‘‘Bhante nāgasena, ‘migassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, migo divā araññe carati, rattiṃ abbhokāse, evameva kho, mahārāja, yoginā yogāvacarena divā araññe viharitabbaṃ, rattiṃ abbhokāse. Idaṃ, mahārāja, migassa paṭhamaṃ aṅgaṃ gahetabbaṃ.
‘‘ಭಾಸಿತಮ್ಪೇತಂ, ಮಹಾರಾಜ, ಭಗವತಾ ದೇವಾತಿದೇವೇನ ಲೋಮಹಂಸನಪರಿಯಾಯೇ –
‘‘Bhāsitampetaṃ, mahārāja, bhagavatā devātidevena lomahaṃsanapariyāye –
‘ಸೋ ಖೋ ಅಹಂ, ಸಾರಿಪುತ್ತ, ಯಾ ತಾ ರತ್ತಿಯೋ ಸೀತಾ ಹೇಮನ್ತಿಕಾ ಅನ್ತರಟ್ಠಕಾ ಹಿಮಪಾತಸಮಯಾ 1, ತಥಾರೂಪಾಸು ರತ್ತೀಸು ರತ್ತಿಂ ಅಬ್ಭೋಕಾಸೇ ವಿಹರಾಮಿ, ದಿವಾ ವನಸಣ್ಡೇ। ಗಿಮ್ಹಾನಂ ಪಚ್ಛಿಮೇ ಮಾಸೇ ದಿವಾ ಅಬ್ಭೋಕಾಸೇ ವಿಹರಾಮಿ, ರತ್ತಿಂ ವನಸಣ್ಡೇ’ತಿ।
‘So kho ahaṃ, sāriputta, yā tā rattiyo sītā hemantikā antaraṭṭhakā himapātasamayā 2, tathārūpāsu rattīsu rattiṃ abbhokāse viharāmi, divā vanasaṇḍe. Gimhānaṃ pacchime māse divā abbhokāse viharāmi, rattiṃ vanasaṇḍe’ti.
‘‘ಪುನ ಚಪರಂ, ಮಹಾರಾಜ, ಮಿಗೋ ಮನುಸ್ಸೇ ದಿಸ್ವಾ ಯೇನ ವಾ ತೇನ ವಾ ಪಲಾಯತಿ ‘ಮಾ ಮಂ ತೇ ಅದ್ದಸಂಸೂ’ತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಭಣ್ಡನಕಲಹವಿಗ್ಗಹವಿವಾದಸೀಲೇ ದುಸ್ಸೀಲೇ ಕುಸೀತೇ ಸಙ್ಗಣಿಕಾರಾಮೇ ದಿಸ್ವಾ ಯೇನ ವಾ ತೇನ ವಾ ಪಲಾಯಿತಬ್ಬಂ ‘ಮಾ ಮಂ ತೇ ಅದ್ದಸಂಸು, ಅಹಞ್ಚ ತೇ ಮಾ ಅದ್ದಸ’ನ್ತಿ। ಇದಂ, ಮಹಾರಾಜ, ಮಿಗಸ್ಸ ತತಿಯಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಥೇರೇನ ಸಾರಿಪುತ್ತೇನ ಧಮ್ಮಸೇನಾಪತಿನಾ –
‘‘Puna caparaṃ, mahārāja, migo manusse disvā yena vā tena vā palāyati ‘mā maṃ te addasaṃsū’ti, evameva kho, mahārāja, yoginā yogāvacarena bhaṇḍanakalahaviggahavivādasīle dussīle kusīte saṅgaṇikārāme disvā yena vā tena vā palāyitabbaṃ ‘mā maṃ te addasaṃsu, ahañca te mā addasa’nti. Idaṃ, mahārāja, migassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ಮಾ ಮೇ ಕದಾಚಿ ಪಾಪಿಚ್ಛೋ, ಕುಸೀತೋ ಹೀನವೀರಿಯೋ।
‘‘‘Mā me kadāci pāpiccho, kusīto hīnavīriyo;
ಮಿಗಙ್ಗಪಞ್ಹೋ ಸತ್ತಮೋ।
Migaṅgapañho sattamo.
Footnotes:
