| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
7. миг̇алуд̣̇д̣̇агабзд̇авад̇т̇уван̣н̣анаа
7. Migaluddakapetavatthuvaṇṇanā
наранаарибурагкад̇о яуваад̇и ид̣̇ам̣ бхаг̇авад̇и взл̣уванз вихаранд̇з миг̇алуд̣̇д̣̇агабзд̇ам̣ аараб̣бха вуд̇д̇ам̣. рааж̇аг̇ахз гира ан̃н̃ад̇аро луд̣̇д̣̇аго рад̇д̇инд̣̇ивам̣ миг̇з вад̇хид̇ваа ж̇ийвигам̣ габбзси. д̇ассзго убаасаго мид̇д̇о ахоси, со д̇ам̣ саб̣б̣агаалам̣ баабад̇о нивад̇д̇зд̇ум̣ асаггонд̇о ‘‘зхи, самма, рад̇д̇ияам̣ баан̣аад̇ибаад̇аа вирамаахий’’д̇и рад̇д̇ияам̣ бун̃н̃з самаад̣̇абзси. со рад̇д̇ияам̣ вирамид̇ваа д̣̇иваа зва баан̣аад̇ибаад̇ам̣ гарод̇и.
Naranāripurakkhatoyuvāti idaṃ bhagavati veḷuvane viharante migaluddakapetaṃ ārabbha vuttaṃ. Rājagahe kira aññataro luddako rattindivaṃ mige vadhitvā jīvikaṃ kappesi. Tasseko upāsako mitto ahosi, so taṃ sabbakālaṃ pāpato nivattetuṃ asakkonto ‘‘ehi, samma, rattiyaṃ pāṇātipātā viramāhī’’ti rattiyaṃ puññe samādapesi. So rattiyaṃ viramitvā divā eva pāṇātipātaṃ karoti.
со абарзна самаязна гаалам̣ гад̇ваа рааж̇аг̇ахасамийбз взмаанигабзд̇о худ̇ваа ниб̣б̣ад̇д̇о, д̣̇ивасабхааг̇ам̣ махаад̣̇угкам̣ анубхавид̇ваа рад̇д̇ияам̣ бан̃жахи гаамаг̇ун̣зхи самаббид̇аа саман̇г̇ийбхууд̇о барижаарзси. д̇ам̣ д̣̇исваа ааяасмаа наарад̣̇о –
So aparena samayena kālaṃ katvā rājagahasamīpe vemānikapeto hutvā nibbatto, divasabhāgaṃ mahādukkhaṃ anubhavitvā rattiyaṃ pañcahi kāmaguṇehi samappitā samaṅgībhūto paricāresi. Taṃ disvā āyasmā nārado –
478.
478.
‘‘наранаарибурагкад̇о яуваа, раж̇анийязхи гаамаг̇ун̣зхи собхаси;
‘‘Naranāripurakkhato yuvā, rajanīyehi kāmaguṇehi sobhasi;
д̣̇ивасам̣ анубхоси гааран̣ам̣, гимагааси буримааяа ж̇аад̇ияаа’’д̇и. –
Divasaṃ anubhosi kāraṇaṃ, kimakāsi purimāya jātiyā’’ti. –
имааяа г̇аат̇ааяа бадибужчи. д̇ад̇т̇а наранаарибурагкад̇од̇и барижаарагабхууд̇зхи д̣̇звабуд̇д̇зхи д̣̇звад̇хийд̇аахи жа бурагкад̇о баяирубаасид̇о. яуваад̇и д̇арун̣о. раж̇анийязхийд̇и гаманийязхи рааг̇уббад̇д̇ихзд̇убхууд̇зхи. гаамаг̇ун̣зхийд̇и гаамагодтаасзхи. собхасийд̇и саман̇г̇ибхаавзна вирожаси рад̇д̇ияанд̇и ад̇хиббааяо. д̇знааха ‘‘д̣̇ивасам̣ анубхоси гааран̣а’’нд̇и, д̣̇ивасабхааг̇з бана наанаббагаарам̣ гааран̣ам̣ гхаад̇анам̣ бажжанубхаваси. раж̇анийд̇и ваа рад̇д̇ийсу. язхийд̇и нибаад̇амад̇д̇ам̣. гимагааси буримааяа ж̇аад̇ияаад̇и звам̣ сукад̣̇угкасам̣вад̇д̇анияам̣ гим̣ наама гаммам̣ ид̇о буримааяа ж̇аад̇ияаа д̇вам̣ агад̇т̇а, д̇ам̣ гат̇зхийд̇и ад̇т̇о .
Imāya gāthāya paṭipucchi. Tattha naranāripurakkhatoti paricārakabhūtehi devaputtehi devadhītāhi ca purakkhato payirupāsito. Yuvāti taruṇo. Rajanīyehīti kamanīyehi rāguppattihetubhūtehi. Kāmaguṇehīti kāmakoṭṭhāsehi. Sobhasīti samaṅgibhāvena virocasi rattiyanti adhippāyo. Tenāha ‘‘divasaṃ anubhosi kāraṇa’’nti, divasabhāge pana nānappakāraṃ kāraṇaṃ ghātanaṃ paccanubhavasi. Rajanīti vā rattīsu. Yehīti nipātamattaṃ. Kimakāsi purimāya jātiyāti evaṃ sukhadukkhasaṃvattaniyaṃ kiṃ nāma kammaṃ ito purimāya jātiyā tvaṃ akattha, taṃ kathehīti attho .
д̇ам̣ суд̇ваа бзд̇о т̇зрасса ад̇д̇анаа гад̇агаммам̣ аажигканд̇о –
Taṃ sutvā peto therassa attanā katakammaṃ ācikkhanto –
479.
479.
‘‘ахам̣ рааж̇аг̇ахз раммз, раман̣ийяз г̇ириб̣б̣аж̇з;
‘‘Ahaṃ rājagahe ramme, ramaṇīye giribbaje;
миг̇алуд̣̇д̣̇о бурз аасим̣, лохид̇абаан̣и д̣̇аарун̣о.
Migaluddo pure āsiṃ, lohitapāṇi dāruṇo.
480.
480.
‘‘авирод̇хагарзсу баан̣ису, бут̇усад̇д̇зсу бад̣̇удтамаанасо;
‘‘Avirodhakaresu pāṇisu, puthusattesu paduṭṭhamānaso;
вижарим̣ ад̇ид̣̇аарун̣о сад̣̇аа, барахим̣сааяа рад̇о асан̃н̃ад̇о.
Vicariṃ atidāruṇo sadā, parahiṃsāya rato asaññato.
481.
481.
‘‘д̇асса мз сахааяо сухад̣̇аяо, сад̣̇д̇хо ааси убаасаго;
‘‘Tassa me sahāyo suhadayo, saddho āsi upāsako;
соби мам̣ анугамбанд̇о, ниваарзси бунаббунам̣.
Sopi maṃ anukampanto, nivāresi punappunaṃ.
482.
482.
‘‘‘маагааси баабагам̣ гаммам̣, маа д̇аад̇а д̣̇уг̇г̇ад̇им̣ аг̇аа;
‘‘‘Mākāsi pāpakaṃ kammaṃ, mā tāta duggatiṃ agā;
сажз ижчаси бзжжа сукам̣, вирама баан̣авад̇хаа асам̣яамаа.
Sace icchasi pecca sukhaṃ, virama pāṇavadhā asaṃyamā.
483.
483.
‘‘д̇ассаахам̣ важанам̣ суд̇ваа, сукагаамасса хид̇аанугамбино;
‘‘Tassāhaṃ vacanaṃ sutvā, sukhakāmassa hitānukampino;
наагаасим̣ сагалаанусаасаним̣, жирабаабаабхирад̇о аб̣уд̣̇д̇химаа.
Nākāsiṃ sakalānusāsaniṃ, cirapāpābhirato abuddhimā.
484.
484.
‘‘со мам̣ буна бхуурисумзд̇хасо, анугамбааяа сам̣яамз нивзсаяи;
‘‘So maṃ puna bhūrisumedhaso, anukampāya saṃyame nivesayi;
сажз д̣̇иваа ханаси баан̣ино, ат̇а д̇з рад̇д̇им̣ бхавад̇у сам̣яамо.
Sace divā hanasi pāṇino, atha te rattiṃ bhavatu saṃyamo.
485.
485.
‘‘сваахам̣ д̣̇иваа ханид̇ваа баан̣ино, вирад̇о рад̇д̇имахоси сан̃н̃ад̇о;
‘‘Svāhaṃ divā hanitvā pāṇino, virato rattimahosi saññato;
рад̇д̇аахам̣ барижаарзми, д̣̇иваа каж̇ж̇аами д̣̇уг̇г̇ад̇о.
Rattāhaṃ paricāremi, divā khajjāmi duggato.
486.
486.
‘‘д̇асса гаммасса гусаласса, анубхоми рад̇д̇им̣ амаанусим̣;
‘‘Tassa kammassa kusalassa, anubhomi rattiṃ amānusiṃ;
д̣̇иваа бадихад̇аава гуггураа, убад̇хааванд̇и саманд̇аа каад̣̇ид̇ум̣.
Divā paṭihatāva kukkurā, upadhāvanti samantā khādituṃ.
487.
487.
‘‘яз жа д̇з сад̇ад̇аануяог̇ино, д̇хувам̣ баяуд̇д̇аа суг̇ад̇асса саасанз;
‘‘Ye ca te satatānuyogino, dhuvaṃ payuttā sugatassa sāsane;
ман̃н̃аами д̇з амад̇амзва гзвалам̣, ад̇хиг̇ажчанд̇и бад̣̇ам̣ асан̇кад̇а’’нд̇и. –
Maññāmi te amatameva kevalaṃ, adhigacchanti padaṃ asaṅkhata’’nti. –
имаа г̇аат̇аа абхааси.
Imā gāthā abhāsi.
479-80. д̇ад̇т̇а луд̣̇д̣̇од̇и д̣̇аарун̣о. лохид̇абаан̣ийд̇и абхин̣хам̣ баан̣агхаад̇зна лохид̇амагкид̇абаан̣ий. д̣̇аарун̣од̇и каро, сад̇д̇аанам̣ хим̣санагод̇и ад̇т̇о. авирод̇хагарзсууд̇и гзнажи вирод̇хам̣ агаронд̇зсу миг̇асагун̣аад̣̇ийсу.
479-80. Tattha luddoti dāruṇo. Lohitapāṇīti abhiṇhaṃ pāṇaghātena lohitamakkhitapāṇī. Dāruṇoti kharo, sattānaṃ hiṃsanakoti attho. Avirodhakaresūti kenaci virodhaṃ akarontesu migasakuṇādīsu.
482-83. асам̣яамаад̇и асам̣вараа д̣̇уссийляаа. сагалаанусаасанинд̇и саб̣б̣ам̣ анусаасаним̣, саб̣б̣агаалам̣ баан̣аад̇ибаад̇ад̇о бадивирад̇инд̇и ад̇т̇о. жирабаабаабхирад̇од̇и жирагаалам̣ баабз абхирад̇о.
482-83.Asaṃyamāti asaṃvarā dussīlyā. Sakalānusāsaninti sabbaṃ anusāsaniṃ, sabbakālaṃ pāṇātipātato paṭiviratinti attho. Cirapāpābhiratoti cirakālaṃ pāpe abhirato.
484. сам̣яамзд̇и сужарид̇з. нивзсаяийхи нивзсзси. сажз д̣̇иваа ханаси баан̣ино, ат̇а д̇з рад̇д̇им̣ бхавад̇у сам̣яамод̇и нивзсид̇аагаарад̣̇ассанам̣. со гира саллабаасасаж̇ж̇анаад̣̇инаа рад̇д̇ияамби баан̣авад̇хам̣ ануяуд̇д̇о ахоси.
484.Saṃyameti sucarite. Nivesayīhi nivesesi. Sace divā hanasi pāṇino, atha te rattiṃ bhavatu saṃyamoti nivesitākāradassanaṃ. So kira sallapāsasajjanādinā rattiyampi pāṇavadhaṃ anuyutto ahosi.
485. д̣̇иваа каж̇ж̇аами д̣̇уг̇г̇ад̇од̇и ид̣̇аани д̣̇уг̇г̇ад̇им̣ г̇ад̇о махаад̣̇угкаббад̇д̇о д̣̇ивасабхааг̇з каад̣̇ияаами. д̇асса гира д̣̇иваа сунакзхи миг̇аанам̣ каад̣̇аабид̇ад̇д̇аа гаммасаригкагам̣ палам̣ ход̇и, д̣̇ивасабхааг̇з маханд̇аа сунакаа убад̇хаавид̇ваа адтисан̇гхаад̇амад̇д̇аавасзсам̣ сарийрам̣ гаронд̇и. рад̇д̇ияаа бана убаг̇ад̇ааяа д̇ам̣ баагад̇игамзва ход̇и, д̣̇иб̣б̣асамбад̇д̇им̣ анубхавад̇и. д̇зна вуд̇д̇ам̣ –
485.Divā khajjāmi duggatoti idāni duggatiṃ gato mahādukkhappatto divasabhāge khādiyāmi. Tassa kira divā sunakhehi migānaṃ khādāpitattā kammasarikkhakaṃ phalaṃ hoti, divasabhāge mahantā sunakhā upadhāvitvā aṭṭhisaṅghātamattāvasesaṃ sarīraṃ karonti. Rattiyā pana upagatāya taṃ pākatikameva hoti, dibbasampattiṃ anubhavati. Tena vuttaṃ –
486.
486.
‘‘д̇асса гаммасса гусаласса, анубхоми рад̇д̇им̣ амаанусим̣;
‘‘Tassa kammassa kusalassa, anubhomi rattiṃ amānusiṃ;
д̣̇иваа бадихад̇аава гуггураа, убад̇хааванд̇и саманд̇аа каад̣̇ид̇у’’нд̇и.
Divā paṭihatāva kukkurā, upadhāvanti samantā khāditu’’nti.
д̇ад̇т̇а бадихад̇аад̇и бадихад̇ажид̇д̇аа б̣ад̣̇д̇хаагхаад̇аа вияа худ̇ваа. саманд̇аа каад̣̇ид̇унд̇и мама сарийрам̣ саманд̇ад̇о каад̣̇ид̇ум̣ убад̇хааванд̇и. ид̣̇ан̃жа нзсам̣ ад̇ивияа ад̇д̇ано бхаяаавахам̣ убаг̇аманагаалам̣ г̇ахзд̇ваа вуд̇д̇ам̣. д̇з бана убад̇хаавид̇ваа адтимад̇д̇аавасзсам̣ сарийрам̣ гад̇ваа г̇ажчанд̇и.
Tattha paṭihatāti paṭihatacittā baddhāghātā viya hutvā. Samantā khāditunti mama sarīraṃ samantato khādituṃ upadhāvanti. Idañca nesaṃ ativiya attano bhayāvahaṃ upagamanakālaṃ gahetvā vuttaṃ. Te pana upadhāvitvā aṭṭhimattāvasesaṃ sarīraṃ katvā gacchanti.
487. яз жа д̇з сад̇ад̇аануяог̇инод̇и осаанаг̇аат̇ааяа аяам̣ сан̇кзбад̇т̇о – ахамби наама рад̇д̇ияам̣ баан̣авад̇хамад̇д̇ад̇о вирад̇о зваруубам̣ самбад̇д̇им̣ анубхаваами. яз бана д̇з бурисаа суг̇ад̇асса б̣уд̣̇д̇хасса бхаг̇авад̇о саасанз ад̇хисийлаад̣̇игз д̇хувам̣ баяуд̇д̇аа д̣̇ал̣хам̣ баяуд̇д̇аа сад̇ад̇ам̣ саб̣б̣агаалам̣ ануяог̇аванд̇аа, д̇з бун̃н̃аванд̇о гзвалам̣ логияасукзна асаммиссам̣ ‘‘асан̇кад̇ам̣ бад̣̇а’’нд̇и лад̣̇д̇ханаамам̣ амад̇амзва ад̇хиг̇ажчанд̇и ман̃н̃з, над̇т̇и д̇зсам̣ д̇ад̣̇ад̇хиг̇амз гожи виб̣анд̇ход̇и.
487.Ye ca te satatānuyoginoti osānagāthāya ayaṃ saṅkhepattho – ahampi nāma rattiyaṃ pāṇavadhamattato virato evarūpaṃ sampattiṃ anubhavāmi. Ye pana te purisā sugatassa buddhassa bhagavato sāsane adhisīlādike dhuvaṃ payuttā daḷhaṃ payuttā satataṃ sabbakālaṃ anuyogavantā, te puññavanto kevalaṃ lokiyasukhena asammissaṃ ‘‘asaṅkhataṃ pada’’nti laddhanāmaṃ amatameva adhigacchanti maññe, natthi tesaṃ tadadhigame koci vibandhoti.
звам̣ д̇зна бзд̇зна вуд̇д̇з т̇зро д̇ам̣ бавад̇д̇им̣ сад̇т̇у аарожзси. сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саб̣б̣амби вуд̇д̇анаяамзва.
Evaṃ tena petena vutte thero taṃ pavattiṃ satthu ārocesi. Satthā tamatthaṃ aṭṭhuppattiṃ katvā sampattaparisāya dhammaṃ desesi. Sabbampi vuttanayameva.
миг̇алуд̣̇д̣̇агабзд̇авад̇т̇уван̣н̣анаа нидтид̇аа.
Migaluddakapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 7. миг̇алуд̣̇д̣̇агабзд̇авад̇т̇у • 7. Migaluddakapetavatthu
