| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
८. मिगजालत्थेरगाथा
8. Migajālattheragāthā
४१७.
417.
‘‘सुदेसितो चक्खुमता, बुद्धेनादिच्चबन्धुना।
‘‘Sudesito cakkhumatā, buddhenādiccabandhunā;
सब्बसंयोजनातीतो, सब्बवट्टविनासनो॥
Sabbasaṃyojanātīto, sabbavaṭṭavināsano.
४१८.
418.
‘‘निय्यानिको उत्तरणो, तण्हामूलविसोसनो।
‘‘Niyyāniko uttaraṇo, taṇhāmūlavisosano;
विसमूलं आघातनं, छेत्वा पापेति निब्बुतिं॥
Visamūlaṃ āghātanaṃ, chetvā pāpeti nibbutiṃ.
४१९.
419.
‘‘अञ्ञाणमूलभेदाय , कम्मयन्तविघाटनो।
‘‘Aññāṇamūlabhedāya , kammayantavighāṭano;
विञ्ञाणानं परिग्गहे, ञाणवजिरनिपातनो॥
Viññāṇānaṃ pariggahe, ñāṇavajiranipātano.
४२०.
420.
‘‘वेदनानं विञ्ञापनो, उपादानप्पमोचनो।
‘‘Vedanānaṃ viññāpano, upādānappamocano;
४२१.
421.
‘‘महारसो सुगम्भीरो, जरामच्चुनिवारणो।
‘‘Mahāraso sugambhīro, jarāmaccunivāraṇo;
अरियो अट्ठङ्गिको मग्गो, दुक्खूपसमनो सिवो॥
Ariyo aṭṭhaṅgiko maggo, dukkhūpasamano sivo.
४२२.
422.
‘‘कम्मं कम्मन्ति ञत्वान, विपाकञ्च विपाकतो।
‘‘Kammaṃ kammanti ñatvāna, vipākañca vipākato;
पटिच्चुप्पन्नधम्मानं, यथावालोकदस्सनो।
Paṭiccuppannadhammānaṃ, yathāvālokadassano;
महाखेमङ्गमो सन्तो, परियोसानभद्दको’’ति॥
Mahākhemaṅgamo santo, pariyosānabhaddako’’ti.
… मिगजालो थेरो…।
… Migajālo thero….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / ८. मिगजालत्थेरगाथावण्णना • 8. Migajālattheragāthāvaṇṇanā
