| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
৮. মিগজালত্থেরগাথা
8. Migajālattheragāthā
৪১৭.
417.
‘‘সুদেসিতো চক্খুমতা, বুদ্ধেনাদিচ্চবন্ধুনা।
‘‘Sudesito cakkhumatā, buddhenādiccabandhunā;
সব্বসংযোজনাতীতো, সব্বৰট্টৰিনাসনো॥
Sabbasaṃyojanātīto, sabbavaṭṭavināsano.
৪১৮.
418.
‘‘নিয্যানিকো উত্তরণো, তণ্হামূলৰিসোসনো।
‘‘Niyyāniko uttaraṇo, taṇhāmūlavisosano;
ৰিসমূলং আঘাতনং, ছেত্ৰা পাপেতি নিব্বুতিং॥
Visamūlaṃ āghātanaṃ, chetvā pāpeti nibbutiṃ.
৪১৯.
419.
‘‘অঞ্ঞাণমূলভেদায , কম্মযন্তৰিঘাটনো।
‘‘Aññāṇamūlabhedāya , kammayantavighāṭano;
ৰিঞ্ঞাণানং পরিগ্গহে, ঞাণৰজিরনিপাতনো॥
Viññāṇānaṃ pariggahe, ñāṇavajiranipātano.
৪২০.
420.
‘‘ৰেদনানং ৰিঞ্ঞাপনো, উপাদানপ্পমোচনো।
‘‘Vedanānaṃ viññāpano, upādānappamocano;
৪২১.
421.
‘‘মহারসো সুগম্ভীরো, জরামচ্চুনিৰারণো।
‘‘Mahāraso sugambhīro, jarāmaccunivāraṇo;
অরিযো অট্ঠঙ্গিকো মগ্গো, দুক্খূপসমনো সিৰো॥
Ariyo aṭṭhaṅgiko maggo, dukkhūpasamano sivo.
৪২২.
422.
‘‘কম্মং কম্মন্তি ঞত্ৰান, ৰিপাকঞ্চ ৰিপাকতো।
‘‘Kammaṃ kammanti ñatvāna, vipākañca vipākato;
পটিচ্চুপ্পন্নধম্মানং, যথাৰালোকদস্সনো।
Paṭiccuppannadhammānaṃ, yathāvālokadassano;
মহাখেমঙ্গমো সন্তো, পরিযোসানভদ্দকো’’তি॥
Mahākhemaṅgamo santo, pariyosānabhaddako’’ti.
… মিগজালো থেরো…।
… Migajālo thero….
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ৮. মিগজালত্থেরগাথাৰণ্ণনা • 8. Migajālattheragāthāvaṇṇanā
