| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. മിച്ഛാവായാമസുത്തം
10. Micchāvāyāmasuttaṃ
൧൨൦. ‘‘പഞ്ചഹി , ഭിക്ഖവേ, ധമ്മേഹി സമന്നാഗതാ ഭിക്ഖുനീ യഥാഭതം നിക്ഖിത്താ ഏവം നിരയേ. കതമേഹി പഞ്ചഹി? അനനുവിച്ച അപരിയോഗാഹേത്വാ അവണ്ണാരഹസ്സ വണ്ണം ഭാസതി, അനനുവിച്ച അപരിയോഗാഹേത്വാ വണ്ണാരഹസ്സ അവണ്ണം ഭാസതി, മിച്ഛാവായാമാ ച ഹോതി, മിച്ഛാസതിനീ ച 1, സദ്ധാദേയ്യം വിനിപാതേതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതാ ഭിക്ഖുനീ യഥാഭതം നിക്ഖിത്താ ഏവം നിരയേ.
120. ‘‘Pañcahi , bhikkhave, dhammehi samannāgatā bhikkhunī yathābhataṃ nikkhittā evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati, ananuvicca apariyogāhetvā vaṇṇārahassa avaṇṇaṃ bhāsati, micchāvāyāmā ca hoti, micchāsatinī ca 2, saddhādeyyaṃ vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ niraye.
‘‘പഞ്ചഹി, ഭിക്ഖവേ, ധമ്മേഹി സമന്നാഗതാ ഭിക്ഖുനീ യഥാഭതം നിക്ഖിത്താ ഏവം സഗ്ഗേ. കതമേഹി പഞ്ചഹി? അനുവിച്ച പരിയോഗാഹേത്വാ അവണ്ണാരഹസ്സ അവണ്ണം ഭാസതി, അനുവിച്ച പരിയോഗാഹേത്വാ വണ്ണാരഹസ്സ വണ്ണം ഭാസതി, സമ്മാവായാമാ ച ഹോതി, സമ്മാസതിനീ ച, സദ്ധാദേയ്യം ന വിനിപാതേതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതാ ഭിക്ഖുനീ യഥാഭതം നിക്ഖിത്താ ഏവം സഗ്ഗേ’’തി. ദസമം.
‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati, anuvicca pariyogāhetvā vaṇṇārahassa vaṇṇaṃ bhāsati, sammāvāyāmā ca hoti, sammāsatinī ca, saddhādeyyaṃ na vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ sagge’’ti. Dasamaṃ.
അന്ധകവിന്ദവഗ്ഗോ ദുതിയോ.
Andhakavindavaggo dutiyo.
തസ്സുദ്ദാനം –
Tassuddānaṃ –
കുലൂപകോ പച്ഛാസമണോ, സമാധിഅന്ധകവിന്ദം;
Kulūpako pacchāsamaṇo, samādhiandhakavindaṃ;
മച്ഛരീ വണ്ണനാ ഇസ്സാ, ദിട്ഠിവാചായ വായമാതി.
Maccharī vaṇṇanā issā, diṭṭhivācāya vāyamāti.
Footnotes:
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൧൩. മച്ഛരിനീസുത്താദിവണ്ണനാ • 5-13. Maccharinīsuttādivaṇṇanā
