| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๒๙. มิจฺฉาชีววิวชฺชนานิเทฺทโส
29. Micchājīvavivajjanāniddeso
มิจฺฉาชีววิวชฺชนาติ –
Micchājīvavivajjanāti –
๒๐๙.
209.
ทารุํ เวฬุํ ผลํ ปุปฺผํ, จุณฺณํ นฺหานมุโขทกํ;
Dāruṃ veḷuṃ phalaṃ pupphaṃ, cuṇṇaṃ nhānamukhodakaṃ;
มตฺติกาทนฺตกฎฺฐาทิํ, น ทเท กุลสงฺคหาฯ
Mattikādantakaṭṭhādiṃ, na dade kulasaṅgahā.
๒๑๐.
210.
ปาริภฎกตามุคฺค-สูปฺยตาวตฺถุวิชฺชยา;
Pāribhaṭakatāmugga-sūpyatāvatthuvijjayā;
ปเหณทูตกเมฺมน, ชงฺฆเปสนิเยน วาฯ
Paheṇadūtakammena, jaṅghapesaniyena vā.
๒๑๑.
211.
อนุปฺปทานปฺปฎิปิณฺฑ-เวชฺชกเมฺมน วา ปน;
Anuppadānappaṭipiṇḍa-vejjakammena vā pana;
นาเญฺญน วาปิ สมฺพุทฺธปฺปฎิกุเฎฺฐน ชีวเยฯ
Nāññena vāpi sambuddhappaṭikuṭṭhena jīvaye.
๒๑๒.
212.
วิญฺญตฺติเนสนาภูตุลฺลปนากุหนาทิหิ;
Viññattinesanābhūtullapanākuhanādihi;
กุลทูสาทินุปฺปนฺนปจฺจเย ปริวชฺชเยติฯ
Kuladūsādinuppannapaccaye parivajjayeti.
