| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
२९. मिच्छाजीवविवज्जनानिद्देसो
29. Micchājīvavivajjanāniddeso
मिच्छाजीवविवज्जनाति –
Micchājīvavivajjanāti –
२०९.
209.
दारुं वेळुं फलं पुप्फं, चुण्णं न्हानमुखोदकं।
Dāruṃ veḷuṃ phalaṃ pupphaṃ, cuṇṇaṃ nhānamukhodakaṃ;
मत्तिकादन्तकट्ठादिं, न ददे कुलसङ्गहा॥
Mattikādantakaṭṭhādiṃ, na dade kulasaṅgahā.
२१०.
210.
पारिभटकतामुग्ग-सूप्यतावत्थुविज्जया।
Pāribhaṭakatāmugga-sūpyatāvatthuvijjayā;
पहेणदूतकम्मेन, जङ्घपेसनियेन वा॥
Paheṇadūtakammena, jaṅghapesaniyena vā.
२११.
211.
अनुप्पदानप्पटिपिण्ड-वेज्जकम्मेन वा पन।
Anuppadānappaṭipiṇḍa-vejjakammena vā pana;
नाञ्ञेन वापि सम्बुद्धप्पटिकुट्ठेन जीवये॥
Nāññena vāpi sambuddhappaṭikuṭṭhena jīvaye.
२१२.
212.
विञ्ञत्तिनेसनाभूतुल्लपनाकुहनादिहि।
Viññattinesanābhūtullapanākuhanādihi;
कुलदूसादिनुप्पन्नपच्चये परिवज्जयेति॥
Kuladūsādinuppannapaccaye parivajjayeti.
