| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. མིཙྪཱདིཊྛིཔཧཱནསུཏྟཾ
10. Micchādiṭṭhipahānasuttaṃ
༡༦༥. ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི…པེ॰… ཨེཀམནྟཾ ནིསིནྣོ སོ བྷིཀྑུ བྷགཝནྟཾ ཨེཏདཝོཙ – ‘‘ཀཐཾ ནུ ཁོ, བྷནྟེ, ཛཱནཏོ ཀཐཾ པསྶཏོ མིཙྪཱདིཊྛི པཧཱིཡཏཱི’’ཏི?
165. Atha kho aññataro bhikkhu yena bhagavā tenupasaṅkami…pe… ekamantaṃ nisinno so bhikkhu bhagavantaṃ etadavoca – ‘‘kathaṃ nu kho, bhante, jānato kathaṃ passato micchādiṭṭhi pahīyatī’’ti?
‘‘ཙཀྑུཾ ཁོ, བྷིཀྑུ, ཨནིཙྩཏོ ཛཱནཏོ པསྶཏོ མིཙྪཱདིཊྛི པཧཱིཡཏི། རཱུཔེ ཨནིཙྩཏོ ཛཱནཏོ པསྶཏོ མིཙྪཱདིཊྛི པཧཱིཡཏི། ཙཀྑུཝིཉྙཱཎཾ ཨནིཙྩཏོ ཛཱནཏོ པསྶཏོ མིཙྪཱདིཊྛི པཧཱིཡཏི། ཙཀྑུསམྥསྶཾ ཨནིཙྩཏོ ཛཱནཏོ པསྶཏོ མིཙྪཱདིཊྛི པཧཱིཡཏི…པེ॰… ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩཏོ ཛཱནཏོ པསྶཏོ མིཙྪཱདིཊྛི པཧཱིཡཏི། ཨེཝཾ ཁོ, བྷིཀྑུ, ཛཱནཏོ ཨེཝཾ པསྶཏོ མིཙྪཱདིཊྛི པཧཱིཡཏཱི’’ཏི། དསམཾ།
‘‘Cakkhuṃ kho, bhikkhu, aniccato jānato passato micchādiṭṭhi pahīyati. Rūpe aniccato jānato passato micchādiṭṭhi pahīyati. Cakkhuviññāṇaṃ aniccato jānato passato micchādiṭṭhi pahīyati. Cakkhusamphassaṃ aniccato jānato passato micchādiṭṭhi pahīyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato micchādiṭṭhi pahīyati. Evaṃ kho, bhikkhu, jānato evaṃ passato micchādiṭṭhi pahīyatī’’ti. Dasamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠-༡༢. མིཙྪཱདིཊྛིཔཧཱནསུཏྟཱདིཝཎྞནཱ • 10-12. Micchādiṭṭhipahānasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠-༡༢. མིཙྪཱདིཊྛིཔཧཱནསུཏྟཱདིཝཎྞནཱ • 10-12. Micchādiṭṭhipahānasuttādivaṇṇanā
