| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. д̇ад̇ияаваг̇г̇о
3. Tatiyavaggo
1. мижчаад̣̇идтигасуд̇д̇аван̣н̣анаа
1. Micchādiṭṭhikasuttavaṇṇanā
70. д̇ад̇ияаваг̇г̇асса батамз д̣̇идтаа маяаад̇и маяаа д̣̇идтаа, мама саманд̇ажагкунаа д̣̇иб̣б̣ажагкунаа жаад̇и д̣̇вийхиби жагкуухи д̣̇идтаа бажжагкад̇о вид̣̇ид̇аа. д̇зна ануссаваад̣̇им̣ бадигкибад̇и, аяан̃жа ад̇т̇о ид̣̇аанзва баал̣ияам̣ ааг̇амиссад̇и. гааяад̣̇ужжарид̇зна саманнааг̇ад̇аад̇и гааяад̣̇ужжарид̇зна саман̇г̇ийбхууд̇аа. арияаанам̣ убаваад̣̇агаад̇и б̣уд̣̇д̇хаад̣̇ийнам̣ арияаанам̣ анд̇амасо г̇ихисод̇аабаннаанамби г̇ун̣абарид̇хам̣санзна абхууд̇аб̣бхагкаанзна убаваад̣̇агаа аггосагаа г̇арахагаа. мижчаад̣̇идтигаад̇и вибарийд̇ад̣̇ассанаа. мижчаад̣̇идтигаммасамаад̣̇аанаад̇и мижчаад̣̇ассанахзд̇у самаад̣̇иннанаанаавид̇хагаммаа яз жа, мижчаад̣̇идтимуулагзсу гааяагаммаад̣̇ийсу ан̃н̃зби самаад̣̇абзнд̇и. зд̇т̇а жа важийманод̣̇ужжарид̇аг̇г̇ахан̣знзва арияуубаваад̣̇амижчаад̣̇идтийсу г̇ахид̇аасу бунаважанам̣ махаасааваж̇ж̇абхаавад̣̇ассанад̇т̇ам̣ нзсам̣. махаасааваж̇ж̇о хи арияуубаваад̣̇о аананд̇арияасад̣̇исо. яат̇ааха –
70. Tatiyavaggassa paṭhame diṭṭhā mayāti mayā diṭṭhā, mama samantacakkhunā dibbacakkhunā cāti dvīhipi cakkhūhi diṭṭhā paccakkhato viditā. Tena anussavādiṃ paṭikkhipati, ayañca attho idāneva pāḷiyaṃ āgamissati. Kāyaduccaritena samannāgatāti kāyaduccaritena samaṅgībhūtā. Ariyānaṃ upavādakāti buddhādīnaṃ ariyānaṃ antamaso gihisotāpannānampi guṇaparidhaṃsanena abhūtabbhakkhānena upavādakā akkosakā garahakā. Micchādiṭṭhikāti viparītadassanā. Micchādiṭṭhikammasamādānāti micchādassanahetu samādinnanānāvidhakammā ye ca, micchādiṭṭhimūlakesu kāyakammādīsu aññepi samādapenti. Ettha ca vacīmanoduccaritaggahaṇeneva ariyūpavādamicchādiṭṭhīsu gahitāsu punavacanaṃ mahāsāvajjabhāvadassanatthaṃ nesaṃ. Mahāsāvajjo hi ariyūpavādo ānantariyasadiso. Yathāha –
‘‘сзяяат̇ааби, саарибуд̇д̇а, бхигку сийласамбанно, самаад̇хисамбанно, бан̃н̃аасамбанно, д̣̇идтзва д̇хаммз ан̃н̃ам̣ аараад̇хзяяа; звам̣самбад̣̇амид̣̇ам̣, саарибуд̇д̇а, вад̣̇аами д̇ам̣ ваажам̣ аббахааяа, д̇ам̣ жид̇д̇ам̣ аббахааяа, д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз’’д̇и (ма. ни. 1.149).
‘‘Seyyathāpi, sāriputta, bhikkhu sīlasampanno, samādhisampanno, paññāsampanno, diṭṭheva dhamme aññaṃ ārādheyya; evaṃsampadamidaṃ, sāriputta, vadāmi taṃ vācaṃ appahāya, taṃ cittaṃ appahāya, taṃ diṭṭhiṃ appaṭinissajjitvā yathābhataṃ nikkhitto evaṃ niraye’’ti (ma. ni. 1.149).
мижчаад̣̇идтид̇о жа махаасааваж̇ж̇ад̇арам̣ наама ан̃н̃ам̣ над̇т̇и. яат̇ааха –
Micchādiṭṭhito ca mahāsāvajjataraṃ nāma aññaṃ natthi. Yathāha –
‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ махаасааваж̇ж̇ад̇арам̣ яат̇аяид̣̇ам̣, бхигкавз, мижчаад̣̇идти. мижчаад̣̇идтибарамаани, бхигкавз, важ̇ж̇ааний’’д̇и (а. ни. 1.310).
‘‘Nāhaṃ, bhikkhave, aññaṃ ekadhammampi samanupassāmi, yaṃ evaṃ mahāsāvajjataraṃ yathayidaṃ, bhikkhave, micchādiṭṭhi. Micchādiṭṭhiparamāni, bhikkhave, vajjānī’’ti (a. ni. 1.310).
д̇ам̣ ко банаад̇иаад̣̇и яат̇аавуд̇д̇асса ад̇т̇асса ад̇д̇абажжагкабхаавам̣ д̣̇ал̣хад̇арам̣ гад̇ваа д̣̇ассзд̇ум̣ аарад̣̇д̇хам̣. д̇амби сувин̃н̃зяяамзва.
Taṃkho panātiādi yathāvuttassa atthassa attapaccakkhabhāvaṃ daḷhataraṃ katvā dassetuṃ āraddhaṃ. Tampi suviññeyyameva.
г̇аат̇аасу мижчаа манам̣ бан̣ид̇хааяаад̇и абхиж̇жхаад̣̇ийнам̣ васзна жид̇д̇ам̣ аяонисо табзд̇ваа. мижчаа ваажан̃жа бхаасияаад̇и мижчаа мусааваад̣̇аад̣̇ивасзна ваажам̣ бхаасид̇ваа. мижчаа гаммаани гад̇ваанаад̇и баан̣аад̇ибаад̇аад̣̇ивасзна гааяагаммаани гад̇ваа. ат̇а ваа мижчаа манам̣ бан̣ид̇хааяаад̇и мижчаад̣̇идтивасзна жид̇д̇ам̣ вибарийд̇ам̣ табзд̇ваа. сзсабад̣̇ад̣̇ваязби зсзва наяо. ид̣̇аанисса д̇ат̇аа д̣̇ужжарид̇ажаран̣з гааран̣ам̣ д̣̇ассзд̇и аббассуд̇од̇и, ад̇д̇ано барзсан̃жа хид̇аавахзна суд̇зна вирахид̇од̇и ад̇т̇о. абун̃н̃агарод̇и д̇ад̇о зва арияад̇хаммасса аговид̣̇ад̇ааяа гиб̣б̣исагаарий баабад̇хаммо. аббасмим̣ ид̇ха ж̇ийвид̇зд̇и ид̇ха мануссалогз ж̇ийвид̇з ад̇ибарид̇д̇з. д̇ат̇аа жааха ‘‘яо жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и (д̣̇ий. ни. 2.93; сам̣. ни. 1.145), ‘‘аббамааяу мануссаана’’нд̇и (сам̣. ни. 1.145; махаани. 10) жа. д̇асмаа б̣ахуссуд̇о саббан̃н̃о сийгхам̣ бун̃н̃аани гад̇ваа саг̇г̇уубаг̇о ниб̣б̣аанабад̇идто ваа ход̇и. яо бана аббассуд̇о абун̃н̃агаро, гааяасса бхзд̣̇аа д̣̇уббан̃н̃о нираяам̣ со убабаж̇ж̇ад̇ийд̇и.
Gāthāsu micchā manaṃ paṇidhāyāti abhijjhādīnaṃ vasena cittaṃ ayoniso ṭhapetvā. Micchāvācañca bhāsiyāti micchā musāvādādivasena vācaṃ bhāsitvā. Micchā kammāni katvānāti pāṇātipātādivasena kāyakammāni katvā. Atha vā micchā manaṃ paṇidhāyāti micchādiṭṭhivasena cittaṃ viparītaṃ ṭhapetvā. Sesapadadvayepi eseva nayo. Idānissa tathā duccaritacaraṇe kāraṇaṃ dasseti appassutoti, attano paresañca hitāvahena sutena virahitoti attho. Apuññakaroti tato eva ariyadhammassa akovidatāya kibbisakārī pāpadhammo. Appasmiṃ idha jīviteti idha manussaloke jīvite atiparitte. Tathā cāha ‘‘yo ciraṃ jīvati, so vassasataṃ appaṃ vā bhiyyo’’ti (dī. ni. 2.93; saṃ. ni. 1.145), ‘‘appamāyu manussāna’’nti (saṃ. ni. 1.145; mahāni. 10) ca. Tasmā bahussuto sappañño sīghaṃ puññāni katvā saggūpago nibbānapatiṭṭho vā hoti. Yo pana appassuto apuññakaro, kāyassa bhedā duppañño nirayaṃ so upapajjatīti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. мижчаад̣̇идтигасуд̇д̇ам̣ • 1. Micchādiṭṭhikasuttaṃ
