| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২. মেখলাদাযিকাথেরীঅপদানং
2. Mekhalādāyikātherīapadānaṃ
২০.
20.
মেখলিকা মযা দিন্না, নৰকম্মায সত্থুনো॥
Mekhalikā mayā dinnā, navakammāya satthuno.
২১.
21.
‘‘নিট্ঠিতে চ মহাথূপে, মেখলং পুনদাসহং।
‘‘Niṭṭhite ca mahāthūpe, mekhalaṃ punadāsahaṃ;
লোকনাথস্স মুনিনো, পসন্না সেহি পাণিভি॥
Lokanāthassa munino, pasannā sehi pāṇibhi.
২২.
22.
‘‘চতুন্নৰুতিতো কপ্পে, যং মেখলমদং তদা।
‘‘Catunnavutito kappe, yaṃ mekhalamadaṃ tadā;
দুগ্গতিং নাভিজানামি, থূপকারস্সিদং ফলং॥
Duggatiṃ nābhijānāmi, thūpakārassidaṃ phalaṃ.
২৩.
23.
‘‘কিলেসা ঝাপিতা ময্হং…পে॰… ৰিহরামি অনাসৰা॥
‘‘Kilesā jhāpitā mayhaṃ…pe… viharāmi anāsavā.
২৪.
24.
‘‘স্ৰাগতং ৰত মে আসি…পে॰… কতং বুদ্ধস্স সাসনং॥
‘‘Svāgataṃ vata me āsi…pe… kataṃ buddhassa sāsanaṃ.
২৫.
25.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং মেখলাদাযিকা ভিক্খুনী ইমা গাথাযো অভাসিত্থাতি।
Itthaṃ sudaṃ mekhalādāyikā bhikkhunī imā gāthāyo abhāsitthāti.
মেখলাদাযিকাথেরিযাপদানং দুতিযং।
Mekhalādāyikātheriyāpadānaṃ dutiyaṃ.
Footnotes:
