| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੯੯. ਮਾਤੁਪੋਸਕਗਿਜ੍ਝਜਾਤਕਂ (੭-੧-੪)
399. Mātuposakagijjhajātakaṃ (7-1-4)
੨੨.
22.
ਤੇ ਕਥਂ ਨੁ ਕਰਿਸ੍ਸਨ੍ਤਿ, વੁਦ੍ਧਾ ਗਿਰਿਦਰੀਸਯਾ।
Te kathaṃ nu karissanti, vuddhā giridarīsayā;
ਅਹਂ ਬਦ੍ਧੋਸ੍ਮਿ ਪਾਸੇਨ, ਨਿਲੀਯਸ੍ਸ વਸਂ ਗਤੋ॥
Ahaṃ baddhosmi pāsena, nilīyassa vasaṃ gato.
੨੩.
23.
ਕਿਂ ਗਿਜ੍ਝ ਪਰਿਦੇવਸਿ, ਕਾ ਨੁ ਤੇ ਪਰਿਦੇવਨਾ।
Kiṃ gijjha paridevasi, kā nu te paridevanā;
ਨ ਮੇ ਸੁਤੋ વਾ ਦਿਟ੍ਠੋ વਾ, ਭਾਸਨ੍ਤੋ ਮਾਨੁਸਿਂ ਦਿਜੋ॥
Na me suto vā diṭṭho vā, bhāsanto mānusiṃ dijo.
੨੪.
24.
ਭਰਾਮਿ ਮਾਤਾਪਿਤਰੋ, વੁਦ੍ਧੇ ਗਿਰਿਦਰੀਸਯੇ।
Bharāmi mātāpitaro, vuddhe giridarīsaye;
ਤੇ ਕਥਂ ਨੁ ਕਰਿਸ੍ਸਨ੍ਤਿ, ਅਹਂ વਸਂ ਗਤੋ ਤવ॥
Te kathaṃ nu karissanti, ahaṃ vasaṃ gato tava.
੨੫.
25.
ਯਂ ਨੁ ਗਿਜ੍ਝੋ ਯੋਜਨਸਤਂ, ਕੁਣਪਾਨਿ ਅવੇਕ੍ਖਤਿ।
Yaṃ nu gijjho yojanasataṃ, kuṇapāni avekkhati;
ਕਸ੍ਮਾ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਸਿ॥
Kasmā jālañca pāsañca, āsajjāpi na bujjhasi.
੨੬.
26.
ਯਦਾ ਪਰਾਭવੋ ਹੋਤਿ, ਪੋਸੋ ਜੀવਿਤਸਙ੍ਖਯੇ।
Yadā parābhavo hoti, poso jīvitasaṅkhaye;
ਅਥ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਤਿ॥
Atha jālañca pāsañca, āsajjāpi na bujjhati.
੨੭.
27.
ਭਰਸ੍ਸੁ ਮਾਤਾਪਿਤਰੋ, વੁਦ੍ਧੇ ਗਿਰਿਦਰੀਸਯੇ।
Bharassu mātāpitaro, vuddhe giridarīsaye;
ਮਯਾ ਤ੍વਂ ਸਮਨੁਞ੍ਞਾਤੋ, ਸੋਤ੍ਥਿਂ ਪਸ੍ਸਾਹਿ ਞਾਤਕੇ॥
Mayā tvaṃ samanuññāto, sotthiṃ passāhi ñātake.
੨੮.
28.
ਏવਂ ਲੁਦ੍ਦਕ ਨਨ੍ਦਸ੍ਸੁ, ਸਹ ਸਬ੍ਬੇਹਿ ਞਾਤਿਭਿ।
Evaṃ luddaka nandassu, saha sabbehi ñātibhi;
ਭਰਿਸ੍ਸਂ ਮਾਤਾਪਿਤਰੋ, વੁਦ੍ਧੇ ਗਿਰਿਦਰੀਸਯੇਤਿ॥
Bharissaṃ mātāpitaro, vuddhe giridarīsayeti.
ਮਾਤੁਪੋਸਕਗਿਜ੍ਝਜਾਤਕਂ ਚਤੁਤ੍ਥਂ।
Mātuposakagijjhajātakaṃ catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੯੯] ੪. ਮਾਤੁਪੋਸਕਗਿਜ੍ਝਜਾਤਕવਣ੍ਣਨਾ • [399] 4. Mātuposakagijjhajātakavaṇṇanā
