| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
5. мадтагун̣д̣алийбзд̇авад̇т̇у
5. Maṭṭhakuṇḍalīpetavatthu
186.
186.
1 ‘‘алан̇гад̇о мадтагун̣д̣алий, маалад̇хаарий харижанд̣̇ануссад̣̇о;
2 ‘‘Alaṅkato maṭṭhakuṇḍalī, māladhārī haricandanussado;
б̣аахаа баг̇г̇аяха ганд̣̇аси, ванамаж̇жхз гим̣ д̣̇угкид̇о д̇ува’’нд̇и.
Bāhā paggayha kandasi, vanamajjhe kiṃ dukkhito tuva’’nti.
187.
187.
‘‘сован̣н̣амаяо бабхассаро, уббанно рат̇абан̃ж̇аро мама;
‘‘Sovaṇṇamayo pabhassaro, uppanno rathapañjaro mama;
д̇асса жаггаяуг̇ам̣ на винд̣̇аами, д̇зна д̣̇угкзна ж̇ахаами ж̇ийвид̇а’’нд̇и.
Tassa cakkayugaṃ na vindāmi, tena dukkhena jahāmi jīvita’’nti.
188.
188.
‘‘сован̣н̣амаяам̣ ман̣имаяам̣, лохид̇агамаяам̣ 3 ат̇а руубияамаяам̣;
‘‘Sovaṇṇamayaṃ maṇimayaṃ, lohitakamayaṃ 4 atha rūpiyamayaṃ;
аажигка мз бхад̣̇д̣̇амаан̣ава, жаггаяуг̇ам̣ бадибаад̣̇аяаами д̇з’’д̇и.
Ācikkha me bhaddamāṇava, cakkayugaṃ paṭipādayāmi te’’ti.
189.
189.
со маан̣аво д̇асса баавад̣̇и, ‘‘жанд̣̇асуурияаа убхаязд̇т̇а д̣̇иссарз;
So māṇavo tassa pāvadi, ‘‘candasūriyā ubhayettha dissare;
сован̣н̣амаяо рат̇о мама, д̇зна жаггаяуг̇зна собхад̇ий’’д̇и.
Sovaṇṇamayo ratho mama, tena cakkayugena sobhatī’’ti.
190.
190.
‘‘б̣аало ко д̇вам̣ аси маан̣ава, яо д̇вам̣ бад̇т̇аяасз абад̇т̇ияам̣;
‘‘Bālo kho tvaṃ asi māṇava, yo tvaṃ patthayase apatthiyaṃ;
ман̃н̃аами д̇увам̣ мариссаси, на хи д̇вам̣ лажчаси жанд̣̇асуурияз’’д̇и.
Maññāmi tuvaṃ marissasi, na hi tvaṃ lacchasi candasūriye’’ti.
191.
191.
‘‘г̇аманааг̇аманамби д̣̇иссад̇и, ван̣н̣ад̇хаад̇у убхаяад̇т̇а вийт̇ияаа;
‘‘Gamanāgamanampi dissati, vaṇṇadhātu ubhayattha vīthiyā;
бзд̇о гаалагад̇о на д̣̇иссад̇и, го нид̇ха ганд̣̇ад̇ам̣ б̣ааляад̇аро’’д̇и.
Peto kālakato na dissati, ko nidha kandataṃ bālyataro’’ti.
192.
192.
‘‘сажжам̣ ко вад̣̇зси маан̣ава, ахамзва ганд̣̇ад̇ам̣ б̣ааляад̇аро;
‘‘Saccaṃ kho vadesi māṇava, ahameva kandataṃ bālyataro;
жанд̣̇ам̣ вияа д̣̇аараго руд̣̇ам̣, бзд̇ам̣ гаалагад̇аабхибад̇т̇аяи’’нд̇и.
Candaṃ viya dārako rudaṃ, petaṃ kālakatābhipatthayi’’nti.
193.
193.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
194.
194.
‘‘аб̣б̣ахий 5 вад̇а мз саллам̣, согам̣ хад̣̇аяаниссид̇ам̣;
‘‘Abbahī 6 vata me sallaṃ, sokaṃ hadayanissitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
195.
195.
‘‘сваахам̣ аб̣б̣уул̣хасаллосми, сийд̇ибхууд̇осми ниб̣б̣уд̇о;
‘‘Svāhaṃ abbūḷhasallosmi, sītibhūtosmi nibbuto;
на сожаами на род̣̇аами, д̇ава суд̇ваана маан̣аваа’’д̇и.
Na socāmi na rodāmi, tava sutvāna māṇavā’’ti.
196.
196.
‘‘д̣̇звад̇аа нуси г̇анд̇хаб̣б̣о, ад̣̇у сагго буринд̣̇ад̣̇о;
‘‘Devatā nusi gandhabbo, adu sakko purindado;
го ваа д̇вам̣ гасса ваа буд̇д̇о, гат̇ам̣ ж̇аанзму д̇ам̣ маяа’’нд̇и.
Ko vā tvaṃ kassa vā putto, kathaṃ jānemu taṃ maya’’nti.
197.
197.
‘‘яан̃жа ганд̣̇аси яан̃жа род̣̇аси, буд̇д̇ам̣ аал̣ааханз саяам̣ д̣̇ахид̇ваа;
‘‘Yañca kandasi yañca rodasi, puttaṃ āḷāhane sayaṃ dahitvā;
сваахам̣ гусалам̣ гарид̇ваа гаммам̣, д̇ид̣̇асаанам̣ сахаб̣яад̇ам̣ г̇ад̇о’’д̇и.
Svāhaṃ kusalaṃ karitvā kammaṃ, tidasānaṃ sahabyataṃ gato’’ti.
198.
198.
‘‘аббам̣ ваа б̣ахум̣ ваа наад̣̇д̣̇асаама, д̣̇аанам̣ д̣̇ад̣̇анд̇асса сагз аг̇аарз;
‘‘Appaṃ vā bahuṃ vā nāddasāma, dānaṃ dadantassa sake agāre;
убосат̇агаммам̣ ваа д̇аад̣̇исам̣, гзна гаммзна г̇ад̇оси д̣̇звалога’’нд̇и.
Uposathakammaṃ vā tādisaṃ, kena kammena gatosi devaloka’’nti.
199.
199.
‘‘ааб̣аад̇хигохам̣ д̣̇угкид̇о г̇илаано, аад̇ураруубомхи сагз нивзсанз;
‘‘Ābādhikohaṃ dukkhito gilāno, āturarūpomhi sake nivesane;
б̣уд̣̇д̇хам̣ виг̇ад̇араж̇ам̣ вид̇ин̣н̣аган̇кам̣, ад̣̇д̣̇агким̣ суг̇ад̇ам̣ аномабан̃н̃ам̣.
Buddhaṃ vigatarajaṃ vitiṇṇakaṅkhaṃ, addakkhiṃ sugataṃ anomapaññaṃ.
200.
200.
‘‘сваахам̣ муд̣̇ид̇амано басаннажид̇д̇о, ан̃ж̇алим̣ агарим̣ д̇ат̇ааг̇ад̇асса;
‘‘Svāhaṃ muditamano pasannacitto, añjaliṃ akariṃ tathāgatassa;
д̇аахам̣ гусалам̣ гарид̇ваана гаммам̣, д̇ид̣̇асаанам̣ сахаб̣яад̇ам̣ г̇ад̇о’’д̇и.
Tāhaṃ kusalaṃ karitvāna kammaṃ, tidasānaṃ sahabyataṃ gato’’ti.
201.
201.
‘‘ажчарияам̣ вад̇а аб̣бхуд̇ам̣ вад̇а, ан̃ж̇алигаммасса аяамийд̣̇исо вибааго;
‘‘Acchariyaṃ vata abbhutaṃ vata, añjalikammassa ayamīdiso vipāko;
ахамби муд̣̇ид̇амано басаннажид̇д̇о, аж̇ж̇зва б̣уд̣̇д̇хам̣ саран̣ам̣ важ̇аамий’’д̇и.
Ahampi muditamano pasannacitto, ajjeva buddhaṃ saraṇaṃ vajāmī’’ti.
202.
202.
‘‘аж̇ж̇зва б̣уд̣̇д̇хам̣ саран̣ам̣ важ̇аахи, д̇хамман̃жа сан̇гхан̃жа басаннажид̇д̇о;
‘‘Ajjeva buddhaṃ saraṇaṃ vajāhi, dhammañca saṅghañca pasannacitto;
д̇ат̇зва сигкааяа бад̣̇аани бан̃жа, акан̣д̣апуллаани самаад̣̇ияассу.
Tatheva sikkhāya padāni pañca, akhaṇḍaphullāni samādiyassu.
203.
203.
‘‘баан̣аад̇ибаад̇аа вирамассу киббам̣, логз ад̣̇иннам̣ бариваж̇ж̇аяассу;
‘‘Pāṇātipātā viramassu khippaṃ, loke adinnaṃ parivajjayassu;
амаж̇ж̇або маа жа мусаа бхан̣аахи, сагзна д̣̇аарзна жа хохи д̇удто’’д̇и.
Amajjapo mā ca musā bhaṇāhi, sakena dārena ca hohi tuṭṭho’’ti.
204.
204.
‘‘ад̇т̇агаамоси мз яагка, хид̇агаамоси д̣̇звад̇з;
‘‘Atthakāmosi me yakkha, hitakāmosi devate;
гароми д̇уяхам̣ важанам̣, д̇вам̣си аажарияо мамаад̇и.
Karomi tuyhaṃ vacanaṃ, tvaṃsi ācariyo mamāti.
205.
205.
‘‘убзми саран̣ам̣ б̣уд̣̇д̇хам̣, д̇хамман̃жааби ануд̇д̇арам̣;
‘‘Upemi saraṇaṃ buddhaṃ, dhammañcāpi anuttaraṃ;
сан̇гхан̃жа нарад̣̇звасса, г̇ажчаами саран̣ам̣ ахам̣.
Saṅghañca naradevassa, gacchāmi saraṇaṃ ahaṃ.
206.
206.
‘‘баан̣аад̇ибаад̇аа вирамаами киббам̣, логз ад̣̇иннам̣ бариваж̇ж̇аяаами;
‘‘Pāṇātipātā viramāmi khippaṃ, loke adinnaṃ parivajjayāmi;
амаж̇ж̇або но жа мусаа бхан̣аами; сагзна д̣̇аарзна жа хоми д̇удто’’д̇и.
Amajjapo no ca musā bhaṇāmi; Sakena dārena ca homi tuṭṭho’’ti.
мадтагун̣д̣алийбзд̇авад̇т̇у бан̃жамам̣.
Maṭṭhakuṇḍalīpetavatthu pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 5. мадтагун̣д̣алийбзд̇авад̇т̇уван̣н̣анаа • 5. Maṭṭhakuṇḍalīpetavatthuvaṇṇanā
